Rodjun Cruz, excited sa pagiging Kapuso actor!

BIG break ang ibinibigay ng GMA 7 kay Rodjun Cruz buhat nang lumabas siya sa Kapuso network. After na lumabas sa My Husband’s Lover bilang isa sa mga lover ni Dennis Trillo, super excited si Rodjun sa bagong assignment sa GMA, ang pagiging top investigator sa katauhan niya bilang si Xyrus.

Sa tinatamong popularity ni Rodjun ngayon sa mga special guesting niya sa evening primetime ng GMA, walang anomang rivalry na namamagitan sa kanila ng kanyang younger brother na si Rayver Cruz. Bagkus, nagtutulungan sila sa isa’t isa para ma-improve ang kanilang craft. Si Rayver ay kilalang leading man sa ABS-CBN 2 samantalang si Rodjun ay nasa GMA 7 ngayon. Nakilala ang kagalingan ni Rodjun sa pagsasayaw sa Sunday All Stars. Magaling din siyang umawit at umarte. ‘Di matatawaran ang kanyang acting skills tulad ng ipinamalas niya sa My Husband’s Lover kung saan siya ang huling lalaking itinangi ni Dennis Trillo nang nagkalabuan sila ni Tom Rodriguez sa istorya ng soap.

Sa ngayon ay bagong assignment ni Rodjun sa Kapuso network ang role bilang tough investigator na paborito ni Cesar Montano. Si Rodjun bilang si Xyrus sa soap ay papasok na sa mga eksena ngayong week at lulutas sa kaso ng pagpatay kay Gary Estrada, gayundin sa sunod-sunod na pag-attempt sa buhay ni Lovi Poe bilang si Lovella at kay Beatrice Villacorta.

Kay Rodjun, inaabangan niya sa GMA 7 ang pagkakataon na maging part siya ng mga bida sa regular soap ng network. Hilig ni Rodjun ang showbiz na minanana niya sa kanyang mga ninuno. Ang pinakasikat niyang uncle ay si Ricky Belmonte, ang namayapang ama ni Sheryl Cruz.

Idol ni Rodjun ang uncle Ricky niya dahil maraming characters ang nagampanan ng aktor noong nabubuhay pa.

PINAPUTOL NA BUHOK AY IDO-DONATE PARA SA MGA NANGANGAILANGAN NG WIG TULAD NG CANCER PATIENT

FIRST time na nagpaputol ng mahabang buhok si Lovi. Ang buhok ng sexy actress ay halos umabot nang baywang. Nai-cut ito hanggang shoulder niya nang sabihin ng production staff ng Akin Pa Rin Ang Bukas na ang pagbabalik ni Lovella ay kailangang new look at magpapaputol ng buhok.

‘Di nagdalawang isip si Lovi, bagkus gusto niyang siya mismo ang puputol ng kanyang buhok para ma-feel niya ang eksena na punom-puno ng galit sa kanyang mga kalaban sa soap na sina Agatha (Charee Pineda) at Jerry (Rocco Nacino).

Ayon kay Lovi nang huli naming nakausap sa set ng Akin Pa Rin Ang Bukas, balak niyang i-donate ang buhok na pinutol sa gumagawa ng mga wig na kailangan ng mga cancer patient. At least for a cause ang pupuntahan ng kanyang buhok na mahabang taon niyang iningatan.

Ang unang eksenang nilabasan ni Lovi na may maikling buhok ay ang binyagan ang anak ni Agatha. Super fashionista ng dating niLovi sa eksena na ibang-iba sa dating appearance ni Lovella.

The post Rodjun Cruz, excited sa pagiging Kapuso actor! appeared first on Remate.

.. Continue: Remate.ph (source)

Rodjun Cruz, excited sa pagiging Kapuso actor!