KUNG pabor nga ang magulang ni KC Concepcion na si Paulo Avelino ang maging boyfriend ng aktres ay ‘di naman pabor ang dalaga nina Sharon Cuneta at Gabby Concepcion na magka-boyfriend ngayon.
Ayon kasi kay KC nang makausap ng ilang press sa katatapos lang na 27th PMPC Star Awards for TV na wala pa raw sa isip niya ang magka-boyfriend, matapos ang break-up nito kay Piolo Pascual.
Wala naman daw masasabing hindi maganda si KC kay Paulo. Mabait naman daw ang aktor pero hindi pa raw siya handang makipagrelasyon sa ngayon.
So, tigilan na ang pagpupumilit ng ilan diyan na nagkakamabutihan ang dalawa dahil mismong si KC na ang nagsabi na mabait si Paulo pero wala pa sa isip ang magka-boyfriend.
Samantalang sobrang saya ang nadama ni KC nang tanggapin ang karangalang bilang Best Supporting Actress sa katatapos lang na Star Award na ginanap sa AFP Theater last Sunday.
Pinasalamatan niya ang kanyang mga magulang at ang ABS-CBN na nagbigay sa kanya ng role na kung saan nailabas niya ang kanyang husay sa pag-arte.
@@@
HINDI diretsahan sinagot ni Luis Manzano ang pagtatanong sa kanya ng ilan press nang ma-corner siya sa PMPC Star Award for TV sa backstage ng AFP Theater tungkol sa balitang pag-iiwasan nila ni Jennylyn Mercado pagkatapos nilang maghiwalay.
Mas gugustuhin na lang daw niyang manahimik kaysa magbigay pa ng pahayag sa nasabing balitang nag-iiwasan. Mabibigyan lang daw ng ibang kahulugan ang anomang sasabihin niya.
“Anything I would say, even sa industry na ito, you may say the nicest thing about someone, mahahanapan ka pa rin ng mali ng mga makitid ang utak,” say ni Luis.
Pero malaki pa rin ang paniwala ni Luis na magiging magkaibigan sila ni Jen pagdating ng tamang panahon.
Right now ay masaya raw siya sa kanyang career at personal life at magandang reward nga raw sa kanyang pinagdaanang problema ang pagkakapanalo niya bilang Best Game Show Host para sa Deal or No Deal sa katatapos lang na PMPC Star Award for TV.
Ito na lang daw ang karangalan na wala pa siya bilang host kaya fulfilling sa kanya ang natanggap na award.
Hindi naman ipinagdamot ni Luis sa ilang press na kausap na ibulgar ang plano na niyang magpakasal next year.
Ang problema lang ay mukhang hindi raw siya nakatakdang magkaroon ng sariling pamilya.
“I`m 32 years old. Sana, sana. I don’t wanna say…. Sana lang talaga. In fact, a friend told me just today (last Sunday), nag-message sa akin na parang, hindi ka ba nalulungkot na hindi ka pa kasal? And I even said, my next one would be the last one,” say na lang ni Luis.
The post KC Concepcion ‘di feel si Paulo Avelino appeared first on Remate.
.. Continue: Remate.ph (source)
No comments:
Post a Comment