Nabigla nang manalo ng award!

SIMPLE lang ang kasal na gusto ni Vic Sotto para sa kanila ni Pauleen Luna.

Pakakasalan ba niya talaga si Pauleen?

“Why not? Wala namang masama roon! Kung darating doon, okey,” sagot niya nang makatsikahan siya sa presscon ng My Little Bossings na isang filmfest entry sa December 25.

“Nandiyan naman ang mga plano, eh. Kaya ka nakikipagrelasyon sa kapwa mo kasi, hindi lang dahil trip mo lang. Hindi ko naman puwedeng itanggi na walang plano to settle or get married in the future. “Pero kung darating ‘yon, kung may definite plans, kayo ang unang makakaalam,“ sey pa niya na kung saan ay hindi raw niya itatago ang kasal nila ni Pauleen.

“Hindi ko naman idi-deny, eh. Hindi na uso ‘yan ngayon. Like what I said nu’ng nakaraang buwan, what you see is what you get,” deklara pa niya.

Gusto ba niyang magka-baby ulit?

“Pagkabibiyayaan, why not? Kahit ano. Kahit kambal, mas mabuti!” aniya pa.

-0o0-

ANG original Primetime King ng GMA 7 na si Richard Gutierrez ang nag-uwi ng Best Travel Show Host trophy noong Linggo sa 37th Star Awards for Television na ginanap sa AFP Theater at may delayed telecast sa Linggo sa ABS-CBN pagkatapos ng Ganda Gabi Vice.

Nanalo ng nasabing award si Richard para sa Pinoy Adventures, ang dati niyang show sa Kapuso network na ginawa niya under GMA News and Public Affairs.

Ayon kay Richard, nasa Star Awards for Television siya dahil sila ng twin-brother niyang si Raymond, kasama ang magkapatid na Toni at Alex Gonzaga, ang hosts that night at nagulat na lang siya nang nagmamadaling pumasok sa dressing room nila ang floor director at hinihila siya papunta sa stage dahil nanalo siya ng award.

“At first, nabigla ako, kaya tanong ako nang tanong kung anong award ang pinanalunan ko, hindi naman masabi no’ng floor director, basta, nanalo raw ako ng award at kailangan na ako sa stage to accept it,” napapangiting kuwento ni Richard.

Nang iabot na sa kanya ang trophy at basahin niya ang nakasulat doon na Best Travel Show Host ay saka pa lang na-realize ni Richard na ‘yon pala ang kategoryang napanalunan niya.

Nominated din kasi si Richard sa kategoryang Best Reality Competition Show Host para sa Extra Challenge show nila ni Marian Rivera, kaya nalito ang binata at hindi alam kung saan siya nanalo dahil nasa dressing room siya at hindi narinig nang tawaging winner ang kanyang pangalan sa Best Travel Show Host”.

“I’m so happy, nabigla ako, pero ‘yung pagkabigla, siyempre, napalitan ng happiness. Very thankful ako sa mga taga-PMPC at ako ‘yung nanalo sa category na ‘yon and I’m also very thankful sa mga taga-GMA News and Public Affairs for giving me that show dahil na-enjoy ko talaga ‘yung paggawa ng show na ‘yon,” sabi ni Richard.

Sa pagkapanalo ng nasabing award, lalo tuloy na-miss ng fans si Richard at ang lahat nga ay nagtatanong kung after maging Kapuso sa loob ng 11 years, saan na kayang network pupunta ang actor/TV host?

Anyway, sa ngayon, busy si Richard at nagsimula na ang taping ng reality TV show ng kanilang pamilya, ang It Takes Gutz to be a Gutierrez na ipapalabas sa isang international TV network na hindi pa puwedeng i-announce, at nagsimula na rin siya ng shooting ng pelikulang Overtime under GMA Films.

The post Nabigla nang manalo ng award! appeared first on Remate.

.. Continue: Remate.ph (source)

Nabigla nang manalo ng award!