PATAY ang 30-anyos na lalaki matapos manlaban sa isang holdaper sa Brgy. Pasong Tamo, Quezon City.
Kinilala ang biktima na si Andy Rano, electrical chemical technician ng Block 31, Unit 311 Phase 3 Pilot Drive MRB, Brgy. Commonwealth, QC.
Si Rano ay namatay noon din dahil sa tama ng saksak sa kanyang katawan.
Nabatid na naganap ang insidente sa tabi ng First St., Area Pasong Tamo, alas-12:05 ng madaling araw nitong Sabado.
Sinabi ng witness na si Cindy Mercuso na nanonood siya ng tv nang makarinig ng malakas na sigaw at may humihingi ng tulong.
Nang kanyang silipin ang pinanggagalingan ng paghingi ng saklolo ay nakita niya ang isang hindi kilalang lalaki na papalayo sa lugar.
Habang duguan naman na nakahandusay ang biktima dahil sa maraming tama ng saksak sa kanyang katawan.
Hinihinala ng mga awtoridad na hinoldap ang biktima at nanlaban dahilan para saksakin ng suspek.
The post Lalaki pumalag sa holdap todas appeared first on Remate.
.. Continue: Remate.ph (source)
No comments:
Post a Comment