MALAKI ang pinsalang dinulot ng super typhoon Yolanda kaya naman tuloy-tuloy pa rin ang pagtulong sa mga nasalanta nito.
Aayuda ang mga senior basketball champions ng dalawang pinakamalaking collegiate leagues sa bansa upang magsagawa ng isang charity basketball game para makalikom ng pondo para sa mga nasalanta ni Yolanda.
Ang event ay pinamagatang “Champions for a Cause” na gaganapin sa Smart Araneta Coliseum sa Disyembre 7 sa Sabado.
Maggigirian ang 76th UAAP champion De La Salle Green Archers at 89th NCAA ruler San Beda College Red Lions.
Mahigpit na magkaribal ang San Beda College at De La Salle noong dekada ‘70, nasa NCAA pa ang huli.
Hahatiin ng La Salle at San Beda ang ticket sales para sa kanilang relief operations.
Maaari ng bumili ng tickets sa mga sangay ng SM Ticketnet at sa dalawang eskuwelahan sa presyong P1,000 sa patron, P500 sa lower box, P300 sa upper A, P150 sa upper B at P20 sa bleachers.
Kapartner din ang MVP Sports sa event na ieere ng live ng TV5 umpisa alas-12:00 ng tanghali.
The post La Salle vs SBC, charity game appeared first on Remate.
.. Continue: Remate.ph (source)
No comments:
Post a Comment