KASONG reckless imprudence resulting in homicide and multiple physical injuries ang isasampa laban sa driver ng van na nahulog sa 50 metrong lalim na bangin sa Km 58. Calasipan, Cattubo, Atok, Benguet na ikinamatay ng isang pasahero at ikinasugat ng 15 iba pa sabado ng umaga.
Kinilala ng Atok Municipal Police Station ang driver na si Jimmy Babanga na isa rin sa mga sugatan.
Sa inisyal na imbestigasyon, naganap ang insidente alas onse ng umaga at mechanical at driver error ang nakikita nilang dahilan sa nasabing aksidente.
Ayon naman sa mga nakakita sa aksidente, masyadong mabilis ang pagtakbo ng nasabing pampasaherong van bago nahulog sa bangin.
Una rito, patay sa nasabing aksidente si Bernabe Ngipol Lablabong na taga-Nagtipunan, Quirino Province.
Maliban sa driver, ginagamot pa rin sa ospital ang iba pang sugatan na sina Elena Salipen (65), Tito Ingosan (57), Marrieta Pagnas (51), Tino Ngosi (45), SPO3 Rolex Sabyat (40), Victoria Licuasen (33), Bernaditte Dinisia (32), Jake Bantasan (29), Melvin Danilo (18), Ben Bayas (17), Rochel Bacte (16), Charlene Calabson (16) at ang isang taong gulang na bata na si Dona Jane Denesia, na nagtamo lamang ng minor injuries.
Walo sa mga ito ay nasa Benguet General Hospital, apat ay nasa Baguio General Hospital at ang tatlo ay sa Pines Doctor Hospital.
Karamihan sa mga ito ay nagkaroon ng matinding fracture, gasgas at sugat sa iba’t ibang bahagi ng kanilang katawan.
The post Driver ng van na nahulog sa Baguio kakasuhan na appeared first on Remate.
.. Continue: Remate.ph (source)
No comments:
Post a Comment