Dalawampung establisimiyento sa Metro Manila at Central Luzon ang sinampahan ng kasong administratibo ng Department of Trade and Industry (DTI) dahil sa pagbebenta ng mga hindi sertipikadong produkto.
Kabilang sa mga kinasuhan ang Double E Trading, RNW Pacific Pipes Corporation, Royal Coco Marketing and Canberra Ent., Michael De Leon, Metro North Gas Corporation, Endroned Industrial Gas Dealer, Alexson Industrial Gas Dealer, Velasquez Store, RA Hardware, Litex Glass, Alum & Gen Merchandise, Purple’s Aluminum and Glass Services.
Kinasuhan din ang Diamond Aluminum and Glass Supply, Manalo Glass and Aluminum Supply, RVV’s Marketing, Lady GasGas Merchandising, DGMM Enterprise at Unitop General Merchandise, Inc. na nasa Metro Manila, habang ang SCTEX Iron & Steel Corporation ay nasa Barangay Balingcanaway, Tarlac City; at ang PCA Steel Trading ay nasa Angeles City, Pampanga.
Nilinaw ng DTI na ang 20 trader sa ilalim ng mandatory certification ay may nakabimbin na kasong administratibo matapos madiskubre ng kagawaran na nagbebenta ang mga ito ng mga produktong walang marka ng Philippine Standard (PS) at Import Commodity Clearance (ICC) marks.
Kaugnay nito, tiniyak ni DTI-Consumer Welfare and Business Regulations Group (CWBRG) officer-in-charge Atty. Victorio Mario A. Dimagiba sa publiko na mahigpit na sinusubaybayan ng DTI ang paglabag ng mga negosyante o kumpanya kasunod ng pinaigting na monitoring sa operasyon ng mga establisimiyento. – Bella Gamotea
.. Continue: Balita.net.ph (source)
No comments:
Post a Comment