Pacquiao, tuluyang tinabla ni Marquez

Sumuko na maging si World Boxing Organization (WBO) president Francisco ‘Paco’ Valcárcel na kumbinsihin si Mexican Juan Manuel Marquez na labanan sa ikalimang pagkakataon si Pambansang Kamao Manny Pacquiao.

Nagsadya ang Purto Rican na si Valcárcel sa Mexico City noong nakaraang linggo para kausapin si Marquez sa kanyang susunod na laban pero tumanggi ito na muling harapin ang Pinoy boxer.



Sa panayam ni Miguel Rivera ng notifight.com, bantulot din si Marquez na labanan ang ka-stable ni Pacquiao na si WBO 140-pound champion Ruslan Provodnikov kahit siya ang mandatory challenger ng Russian.

Ayon kay Valcárcel, walang gustong makaharap si Marquez kundi ang tumalo sa kanya kamakailan na si WBO welterweight titlist Timothy Bradley ng United States.

“I do not know if he will change his opinion. I really don’t know. Juan’s position is that he had a thorn in his side and he already pulled it out when he beat Pacquiao, and he doesn’t see a reason to give [Pacquiao] the opportunity [of a fifth fight]. That’s what Juan is thinking,” ani Valcarcel. – Gilbert Espeña

.. Continue: Balita.net.ph (source)

Pacquiao, tuluyang tinabla ni Marquez