Ni Ina Hernando Malipot
Tiniyak ng Commission on Higher Education (CHED) sa State Universities and Colleges (SUCs) noong Lunes na mababayaran ang tuition ng libu-libong estudyante na apektado ng pagbura sa congressional “pork barrel” dahil ang ahensiya “will find the funds for them.”
Noong Nobyembre, opisyal na idineklarang “unconstitutional” ng Supreme Court (SC) ang Priority Development Assistance Fund (PDAF) o congressional “pork barrel”, na nagbabawal sa pagpapalabas ng nalalabing “pork” funds para sa taon.
Sa isang official statement, sinabi ni CHED Chairperson Patricia Licuanan na ang Commission “is finalizing its audit as to exactly how many and how much it owes the SUCs for accepting the PDAF grantees.”
Tiniyak din niya na babayaran ang scholarships ng mga estudyante— partikular na ang nasa second half ng kasalukuyang school year—dahil ang CHED ang magpopondo para sa kanila. Batay sa datos ng CHED, mayroong 1,800 SUCs sa buong
bansa.
Sa kasalukuyang academic year, ang mga estudyante sa kolehiyo ay nasa second semester na. Gayunman, maghahanap pa ng paraan ang CHED kung paano tutulungan ang “pork barrel” scholars na umaasa sa financial assistance na kaloob ng mga mambabatas.
Unang inamin ni Licuanan na magiging malaking hamon para sa Comission ang paghahanap ng solusyon para sa mga apektadong iskolar.
Gayunman, tiniyak niya na ang Commission “will work something out so that students do not suffer.”
.. Continue: Balita.net.ph (source)
No comments:
Post a Comment