Puspusan ang pagbabantay ng mga tauhan ng Philippine Coast Guard (PCG) sa mga bangkang kolorum na naglalayag ngayong holiday season.
Partikular na binabantayan ng PCG ang mga sasakyang pandagat lalo na ang mga bangka na patungong isla ng Boracay na dinadagsa ng mga bakasyunista tuwing peak season.
Ayon kay PCG-Caticlan Acting Station Commander Pedro Taganos, ilang operators ang namemeke ng mga sticker at kinokopya lamang ang naunang permit at pinapalitan ang petsa para lamang makapaglayag.
Iniinspeksyon din ng PCG ang mga lifejacket ng mga cargo at vessel na dapat may tig-isa ang bawat pasahero nito at binili sa accredited suppliers ng PCG para sa seguridad ng mga pasahero. – Beth Camia
.. Continue: Balita.net.ph (source)
No comments:
Post a Comment