Bagamat hindi pa inihahayag ng Top Rank Inc. kung sino ang makakaharap ni Pambansang Kamao Manny Pacquiao, lumilitaw na lamang na si WBO welterweight champion Timothy Bradley na umiskor ng kontrobersiyal na 12-round split decision nang una silang magharap sa Las Vegas, Nevada.
Ngunit kung magkakaroon ng rematch, naniniwala si dating world lightweight champion Nate Campbell ng United States na ilalampaso sa ibabaw ng ring ni Pacquiao at posibleng mapinsala si Bradley.
“I don’t think much of Bradley as a puncher, but Bradley’s going to do everything he can to win. But Bradley knows he can’t keep Pacquiao off of him,” sinabi ni Cambell kay boxing writer Chris Robinson ng Hustle Boss. “This time around, Pacquiao might hurt Bradley.”
Nakalaban ni Campbell si Bradley at nagresulta ang kanilang laban ng “No decision” matapos lumabo ang kanyang mga mata nang ma-headbutt ng dating WBO junior welterweight champion.
Para kay Campbell, bilis lang ang puhunan ni Bradley at walang lakas ang mga suntok ng kanyang kababayan.
“No, he can’t punch,” giit ni Campbell sa mga suntok ni Bradley. “He’s not a puncher.”
Nagbanta siya na posibleng mapinsala si Bradley kung makakaharap ang Pacquiao na dinominahan ang mas matikas na si Brandon Rios sa Macau, China kamakailan.
“If Pacquiao gets in shape like Pacquiao can get in, not only will he walk right through Bradley, he’s liable to ruin Bradley,” dagdag ni Campbell. – Gilbert Espeña
.. Continue: Balita.net.ph (source)
No comments:
Post a Comment