AP — Idinagdag ni Roger Federer si Stefan Edberg sa kanyang koponan, bahagi ng bagong kalakaran ng mga pangunahing tennis player sa pagkuha ng ex-stars bilang coaches.
Sinabi ni Federer, may tangan ng rekord na 17 titulo sa Grand Slam, sa kanyang Facebook account na ang sixtime major champion na si Edberg ay ‘’agreed to work with us for at least 10 weeks starting at the Australian Open.’’
Tinawag ni Federer si Edberg bilang kanyang “childhood hero.” Patuloy ding makikipagtrabaho si Severin Luthi kay Federer.
Matatandaan na noong Oktubre ay naghiwalay na ng landas sina Federer at dating coach na si Paul Annacone matapos ang 3 1/2 season na magkasama.
Tinapos ni Federer ang 2013 na may No. 6 ranking. Ito ang unang season mula 2002 na hindi siya nakaabot sa final ng kahit anong major.
Ang anunisyong Federer-Edberg ay nangyari may isang linggo matapos na kunin ni Novak Djokovic si Boris Becker bilang coach. Si Andy Murray naman ay kasalukuyan nang nagsasanay sa ilalim ni Ivan Lendl.
.. Continue: Balita.net.ph (source)
No comments:
Post a Comment