Ni Francis Wakefield
Tatlong kalalakihan ang namatay matapos pagbabarilin ng isang pinaghihinalaang retiradong sundalo habang pinuputol ang ilegal na koneksiyon ng tubig ng suspek sa Barangay Pinagsama, Taguig City kahapon.
Kinilala ni Senior Supt. Arthur Asis, hepe ng Taguig City Police, ang tatlong biktima na sina Tyrol Mortos, Enrique Golo at Ronald Mabonga, pawang residente ng Vulcan St., Barangay Pinagsama, Taguig City.
Base sa imbestigasyon, naganap ang pamamaril dakong 8:42 ng umaga sa 31 Mt. Apo St., Palar Village, Barangay Pinagsama.
Sinabi ni Asis na ang tatlong biktima ay empleyado ng isang water association sa lugar na naatasang putulin ang ilegal na
koneksiyon ng tubig sa bahay ng suspek.
Habang pinuputol ang koneksiyon ng tubig, bigla na lang lumitaw ang suspek at pinagbabaril ang tatlo.
Dalawang suspek ang dinampot ng pinagsanib na puwersa ng Taguig City Police-Special Weapons and Tactics (SWAT), Police Community Precinct at Taguig Tactical Motorcycle Rider Unit (TMRU).
Nabigo naman ang pulisya na ihayag ang pagkakilanlan ng dalawang naarestong suspek.
.. Continue: Balita.net.ph (source)
No comments:
Post a Comment