PATAY ang tatlong buwan lamang na sanggol nang tamaan ng ligaw na bala sa pagsalubong sa Bagong Taon sa Anonang, Caoayan, Ilocos Sur habang patuloy namang nilalapatan ng lunas ang 2-anyos na bata sa katulad din na insidente sa Laoag City.
Kinilala ang namatay na biktima na si Vhon Alexander Llagas.
Nabatid na kasama ng biktima ang kanyang ama na natutulog sa kuwarto nang bigla na lamang umiyak ang sanggol.
Nang tingnan ang baby ay nakitang nagdurugo ang ulo nito.
Tinangka pang dalhin sa pagamutan ang bata pero binawian din ng buhay.
Samantala, agaw-buhay naman sa Laoag City General Hospital ang 2-anyos na bata matapos matamaan ng stray bullet sa Brgy. 3, Lusong area, San Nicolas, Ilocos Norte.
Kinilala ang biktima na si Rhanz Angelo Corpuz, ng Brgy. Lusong, San Nicolas, Ilocos Norte.
Ang biktima ay tinamaan ng ligaw na bala sa sentido.
Ayon sa ina ng biktima, natutulog na si Corpuz nang tamaan ng ligaw na bala ang anak.
Agad isinugod sa LCGH ang bata kung saan sa kasalukuyan ay nasa kritikal na kondisyon.
The post 3 buwan baby patay sa ligaw na bala, 1 pa kritikal appeared first on Remate.
.. Continue: Remate.ph (source)
No comments:
Post a Comment