Deployment ban sa Egypt, inalis na

Ni Samuel Medenilla

Naglabas ang Philippine Overseas Employment Administration (POEA) ng resolution na nag-aalis sa deployment ban ng mga Pilipinong manggagawa sa Egypt sa pagbuti ng seguridad sa naturang bansa.

Sa isang board resolution na inilabas noong Huwebes, sinabi ni Labor and Employment Secretary Rosalinda Baldoz na papayagan na ngayon ang overseas Filipino workers (OFW) na magbalik sa Egypt.



“The POEA Governing Board resolves to lift the deployment ban in Egypt and to resume the processing and deployment thereto of all Filipino workers, to include both vacationing and new hires,” ani Baldoz.

Tinukoy ni Baldoz, na namumuno sa POEA governing board, ang pagbaba ng Department for Foreign Affairs (DFA) ng security alert level sa Egypt mula 2 sa 1 noong Disyembre 11 dahil sa “continued improvement in its political and security situation.”

Sa ilalim ng alert level 1 o precautionary phase, pinapayuhan ng DFA ang mga OFW na maging mapagmatyag sa political developments sa isang bansa.

Unang naglabas ang POEA ng full deployment ban sa Egypt noong Setyembre 10 sa pagtaas ng tensiyong politikal. Ibinaba ito sa partial deployment ban noong Nobyembre 4 sa unti-uning pagbalik sa normal ng sitwasyon sa Egypt.

.. Continue: Balita.net.ph (source)

Deployment ban sa Egypt, inalis na