RJ Padilla, malaki ang pasasalamat kay Sef Cadayona!

NAG-RENEW ulit ng network contract ang Bubble Gang star na si RJ Padilla.

Aniya, masayang-masaya siya at nabigyan ulit siya ng pagkakataong ipakita sa GMA kung ano ang mga kaya niyang i-offer. Nagpasalamat din siya sa kanyang mga katrabaho sa Bubble Gang tulad nila Michael V., Paolo Contis, Boy2 Quizon at Antonio Aquitania dahil napakarami niya raw natututunan sa kanila, lalo na sa larangan ng komedya. Special mention din niya ang Sabado-badoo host na si Sef Cadayona.

Kwento ni RJ, si Sef ang tumulong sa kanya para huwag mag-hesitate na gawin ang bagay na pinakamamahal niya. “Nagpapasalamat talaga ako kay Sef kasi mas dumadagdag ‘yung confidence ko dahil sa kanya,” saad ng Kapuso star.

MARK HERRAS, INLOVE NANG MULI?

Marami nang babaeng minahal ang Starstruck I Ultimate Male Survivor na si Mark Herras. Ngunit ngayon daw, kahit na dalawang taon na itong single ay hindi pa rin nitong magawang maghanap ng bagong mamahalin dahil masyado raw itong focused sa kanyang anak na si Ada.

Nang makausap namin si Mark, nakwento niya na sa guesting niya sa Sarap Diva with Asia’s Songbird Regine Velasquez-Alcasid, ay sinabi ni Regine na mahihirapan na itong maghanap ng bagong girlfriend dahil halatang-halata na in love na in love ito sa kanyang anak.

Hindi naman nangangamba ang Kapuso star rito. Aniya, masaya siya sa kanyang buhay at career, lalo na ngayong andyan na si Ada. “Life-changing para sa akin si Ada eh. [Siya] ‘yung magiging bagong kabiyak ng puso ko for a very long time,” masayang sinambit ni Mark.

Ikinatuwa rin ng Bad Boy ng Dance Floor ang pagti-trending ng kanyang mga production number sa variety show ng Kapuso Network na Sunday All Stars. Ayon sa Starstruck I Ultimate Male Suvivor, hindi niya raw ito ine-expect kaya talagang nagpasalamat siya sa mga bumubuo ng SAS.

Inusisa naman namin si Mark kung may plano na ba itong tuloy-tuloyin ang pagpapaka-daring kaya ito nagpapalaki ng katawan. “Ako naman, I’m doing this not for para ito ‘yung ibigay na trabaho sa akin ng GMA na paghubad-hubarin nila ako pero I’m doing this for myself. Kasi for a couple of years, puro na lang ako paasa [na magwowork out ako],” anang Kapuso star. ON THE SET/NOEL ASINAS

.. Continue: Remate.ph (source)

RJ Padilla, malaki ang pasasalamat kay Sef Cadayona!