IPINABATID ng International Organization for Migration (IOM) na hindi bababa sa 45 katao ang nasawi sa air strike sa isang kampo na nilipatan ng mga tao sa northwest Yemen.
Ayon sa spokesman na si Joel Millman, nasa 65 na ang bilang ng mga nasugatan kung saan 75 IOM staff ang nagpaabot ng tulong sa mga biktima.
“IOM is reporting 45 dead among internally displaced persons, 65 injured (and counting), 75 IOM staff are on hand assisting the victims.” Ani Millman.
Sa naging report ng Doctors Without Borders (MSF) kanina, 15 ang napaulat na nasawi sa tumamang air strike sa Al-Mazrak camp sa Hajja province.
Kinumpirma rin ng UN Office for the Coordination of Humanitarian Affairs (OCHA) na tinamaan ang naturang kampo.
Una rito, naglunsad ng air strikes ang Saudi Arabia laban sa Houthi fighters sa Yemen sa nakalipas na limang araw. MARJORIE DACORO
.. Continue: Remate.ph (source)
No comments:
Post a Comment