WALA raw delikadeza si La Aunor kung hihingiin pa niya ang ticket ng eroplano na ipinangako ni Kris Aquino. Kung sakaling magpa-opera kasi ang superstar sa kanyang lalamunan doon sa Amerika, sagot naman ang gagastusin ni Boy Abunda.
Gusto na rin kasi ng Superstar na manumbalik ang kanyang boses para naman makakanta na siya. Ilang taon na kasing hindi naririnig na umaawit ang nag-iisang superstar. Matatandaang nanguna ang aktres na magmartsa kasama ang mga militanteng grupo na sumisigaw ng “Resign.”
Subalit hindi raw ugali ni Kris Aquino na mambawi kung anuman ang kanyang ibinibigay o naibigay na. Basta nangako raw ito ay tinutupad niya. Generous kasi Kris ayon sa kanyang kaibigang si Boy Abunda.
Matulungin ito sa tao at very sincere kung tumulong. ‘Yon nga lang nabro-broadcast ng queen of all media at walang sikreto.
But anyway, nasa kay La Aunor kung kukunin pa niya ang airfare na ibinibigay sa kanya ni Ms Kris. Siya nga pala meron gagawing pelikula si Kris at kasama niya si Claudine Barretto. Ito yata ang kauna-unahan na pagsasama nila sa pelikula. Maraming fans ni Claudine ang natutuwa sa balitang ito na meron ng project ang paborito nilang aktres.
-0-
Bali-balitang sa Hollywood na raw titira ang pamilya ni Manny Pacquiao kaya raw ito binili ang mansion ng Hollywood actress na si Jenifer Lopez. Nakahahalata na raw ang actor/politician cum boxer na si Manny na hindi na sila mananalo ng kanyang asawang bise-gobernador ng Gensan Cotabato. Nag-umpisa itong pagkawalang gana ng kanilang mga constituents nang madalas mag-absent si Congressman Manny sa kongreso kung kaya’t napapabayan na raw ang kanyang nasasakupan. Oo nga naman.
Kung ako kay Cong. Pacquiao, hindi na siya muling kumandidato at sa Amerika na lang sila tumira. Tutal naman may mga anak silang American Citizen at super yaman na sila.
Another thing, balak daw pasukin ni Manny ang showbusiness roon. Malay natin kung mag-click siya roon lalo na’t sikat na siya at marami siyang mga fans na celebrities. Ciao Bambino! MEMORABILIA/MATUK ASTORGA
.. Continue: Remate.ph (source)
No comments:
Post a Comment