DEAD-ON-THE-SPOT ang dalawang katao habang sugatan naman ang dalawang iba pa matapos maaksidente sa kahabaan ng national highway na sakop ng Bgy. Nalvo Norte, bayan ng Luna, La Union.
Nakilala ang mga namatay na sina Exequel Tabaquero, ng Bgy. San Pablo sa bayan ng Balaoan at Richard Carino, habang sugatan naman sina Nestor Rapinian, at Edgar Orfano.
Ayon sa impormasyon galing sa Luna Municipal Police Station, bago ang aksidente, pa-timog ang SUV (VEX 932), na minaneho ni Lester Gabriel Atioan, 19, ng Bgy. Dalumpinas Este, San Fernando kung saan kasunod nito ang motorsiklo na minaneho ni Tabaquero.
Diumano, nag-overtake si Tabaquero sa SUV kung saan nabangga nito ang nakasalubong na hand trucktor na minaneho naman ni Jerwin Valdez, 22, ng Bgy. Paagan bayan ng Santol, hanggang sa bumagga ito sa SUV.
Sa ngayon, nagpapagamot sa hospital ang dalawang sugatan habang patuloy naman ang isinasagawang imbestigasyon ng mga awtoridad hinggil sa naturang aksidente.
Ang aksidente ay unang naitala sa lalawigan habang ginugunita ang Semana Santa kung saan dalawang ang namatay. MARJORIE DACORO
.. Continue: Remate.ph (source)
No comments:
Post a Comment