PAWANG nagwagi sina Nonito “The Filipino Flash” Donaire at Donnie “Ahas” Nietes at si Prince Albert Pagara sa kanilang mga laban sa “Pinoy Pride 30: D-Day” sa Araneta Coliseum, nitong nakaraang Sabado.
Dahil dito, napanatili ni Nietes ang kanyang WBO light flyweight crown via 10th round technical knockout kontra Mehikanong si Gilberto Parra habang dalawang round lamang ang itinagal ng kalaban ni Donaire na siBrazilian William Prado.
Hindi naging madali ang laban ni Nietes kontra Parra dahil mabilis ito at laging tumatakbo pero idinaan ni Nietes sa liksi at pagpapaulan ng suntok at nagawang makasapul ng kanan na siyang nagpabagsak sa Mehikano sa canvas.
Matapos makabangon, muling nakatama ng kanan ang Pinoy boxer na nagpadugo sa bandang kaliwang mata ng kalaban.
Bago nagsimula ang round 9, ipinahinto na ang laban dahil umayaw na sa laban ang Brazilian boxer.
Matapos matalo nitong Oktubre 2014 kay Nicholas Walters, nakabawi naman sa kahihiyan si Filipino Flash.
“Idinide-dedicate ko ang laban na ito sa mga OFWs, kasi nawala po ako sa family for one month. Ang hirap. One month lang ‘yun, ah. Alam ko what they went through ‘yung mga OFWs,” mensahe ni Donaire na bagong NABF super bantamweight champion.
Wagi rin sa “Pinoy Pride 30: D-Day” si “Prince” Albert Pagara kontra Rodolfo Hernandez via fifth round TKO.
Biglang umayaw sa laban si Hernandez nang mabali ang kanang kamay nito. ROBERT TICZON
.. Continue: Remate.ph (source)
No comments:
Post a Comment