FEELING namin, dahil natawag na ang atensyon ng bruskong field news reporter ng kanyang bossing sa news deparment tungkol sa pagpatol nito noon sa goverment official sa parteng Kabikulan na matagal nang pinagdududahang gay, tumigil na si machong reporter sa pagpatol sa mga binabae.
Pero hindi pa rin pala dahil matapos ang episode nito sa very generous na politiko na naging benefactor niya ng ilang taon din at nagregalo sa kanya ng mamahaling gadgets tulad ng laptop, cellphone, alahas at cash na ipinabalik lahat ng kanyang boss, hayun at may bago na naman palang kachorvahn ang ating bida at pinag-uusapan talaga ang affair nito sa kapwa news reporter na madalas niyang makasama sa iba’t ibang lugar na destination nila sa pagkalap ng mga mahahalagang balita. Sobrang nakatatawa lang ang eksena dahil uso na pala ngayon ang patulan ng mga silahista at bading na magkasama sa news department.
Kasi may romansa rin daw na namamagitan ngayon sa pagitan ng silahistang news reporter ng dalawang Top TV network. Naku, kung sino sila ay kayo na ang bahalang manghula gyud!
COCO AT TONI NAKAAALIW SA FIRST TEAM-UP
Ang tindi talaga ng arrive ng bagong tambalan nina Coco Martin at Toni Gonzaga.
Marami talaga ang aprub na perfect ang tandem ng dalawa dahil sa nag-uumpaw nilang chemistry sa bagong handog na pelikula sa fans na You’re My Boss under Star Cinema. Sobrang ganda at nakaaaliw talaga ang mga hirit nina Coco at Toni na sa trailer pa lang ay paulit-ulit mang panoorin ay hindi talaga nakauumay.
In a way, dapat saluduhan ang may gawa ng film na si Antoniette Jadaone na ibinuhos talaga ang lahat ng kanyang best sa bagong proyekto para ma-entertain nila ang lahat ng movie-goers na manonood ng grand opening day sa maraming sinehan nationwide sa April 4 (Black Saturday). Walang halong exaggeration, sa You’re My Boss, mas domoble pa ang husay ni Direk Antoniette dahil nagawa niyang gawing komedyante ang drama actor na si Coco na natural na natural ang dating sa mga eksena nila ni Toni lalo na kapag iniisnab at tinarayan siya ng kanyang boss sa pelikula na ginagampanan nga ni Toni.
Puring-puri pala ng Primetime King si Toni na mabait daw pala at supportive sa katulad niyang gustong matuto ng bagong genre kung saan bihasa ang aktres.
Parehong nag-enjoy rin ang mga ito sa shooting ng kanilang pelikula lalo na sa isang romantic place sa Batanes na para kay Toni ay pinakamagaan na set at masaya lang silang lahat ni Coco kasama ng ang mga co-star sa film na walang duda na titiba sa takilya. Siguradong-sigurado ako d’yan gyud! WALA KIYEME/PETER LEDESMA
.. Continue: Remate.ph (source)
No comments:
Post a Comment