KAMAKAILAN itinanghal na Best Actress ang Kapuso artist na si Alessandra de Rossi para sa kanyang natatanging pagganap sa independent film na ‘Bambanti’ mula sa katatapos lamang na Sinag Film Festival.
Pinangunahan ang naturang independent film festival ng batikan at award-winning na direktor na si Brillante Mendoza at ni Solar Entertainment CEO Wilson Tieng.
Sa pabirong mensahe ni Alex na ilang beses na raw siyang naghanda ng speech dahil matagal niya nang inasam makamit ang pagkilalang ito. Ngunit nabigla siya sa pagkakataong ito kaya hindi siya nakapaghanda.
Samantala, wala namang makikibahagi sa pagkapanalo ng aktres dahil aniya, masaya at kuntento siya sa pagiging single. Tumanggi ring magkomento si Alex hinggil sa kanyang ex-boyfriend at aktor na si Sid Lucero.
Dugtong pa ni Alex, “Sa wakas nagbunga din ang lahat, This is it!” sabay tawa pa niya.”
***
Hanggang ngayon hindi pa rin tinatantanan ng mga intriga ang relasyon Vic Sotto at Pauleen Luna. Sa pagkakataong ito sinagot ni Pauleen ang mga tungkol sa kanilang mga bashers. Paano ba sila naapektuhan ng mga intriga?
Bungad niya, “I would tell a lie if I say not all…Of course, may mangilan-ngilan na sobrang below the belt. But most of it naman, hindi. Very rare ‘yung times na naaapektuhan ako. It’s more of naaapektuhan ako para kay Vic, not for myself.”
Dugtong pa ni Pauleen, “Kasi parang napaka-unfair naman, sasabihin nila ang habol ko lang kay Vic, pera. ‘Yon lang ba ‘yung rason para magustuhan mo siya? Hindi na nga ako naaapektuhan sa tinatawag akong gold digger, e. I’m more affected for him. ‘Yun lang ba ‘yung rason para magustuhan siya?
“Hindi kasi nila kilala, so it’s very easy for them to judge.”
Ano nga ba ang mga nagustuhan niya kay Vic?
“A lot of reasons, too many to mention. Swak kasi kami, e. Sobrang gel ‘yung personalities namin.”
“For one, wala masyadong effort na magkasundo kami with a lot of things. That’s very important.”
Ano naman ang advice sa kanya ni Vic patungkol sa mga intriga? “Marami. Hayaan na lang daw kasi lilipas din naman ‘yan mga intriga. Sa kanya kasi parang easy lang ang lahat, pero I know nasasakatan din siya sa mga binabato para sa amin. Ang galing niyang magdala, d’yan ako believe sa kanya” deklara pa niya. SABEEEEEE!/THROY J. CATAN
.. Continue: Remate.ph (source)
No comments:
Post a Comment