PINAGHAHANAP na ng pulisya ang isang padre de pamilya na responsable sa pagpapasabog ng dinamita sa bahay ng kanyang mga biyenan sa Bgy. Minundas, Payao, Zamboanga Sibugay.
Sa report mula kay PO1 Richard Sumalinog Mercurio ng Payao municipal police station, nangyari ang insidente pasado alas-4:00 ng madaling-araw.
Lumalabas na ang suspek na si Abdulsatta Isaac ay iniwan ng kanyang misis na si Merelyn Isaac dahil binubugbog umano ito ng mister dahil sa matinding selos at umuwi sa bahay ng kanyang mga magulang.
Hindi umano matanggap ng suspek ang pakikipaghiwalay sa kanya ng misis kaya naisipan nitong pasabugan ng dinamita ang bahay ng mga biyenan.
Maswerte namang walang tinamaan dahil tumama ang dinamita sa puno ng kahoy.
Kaagad nakatakas ang suspek bago pa dumating ang mga pulis. MARJORIE DACORO
.. Continue: Remate.ph (source)
No comments:
Post a Comment