Ni Alma Abueva
Napili ng Lonely Planet, ang pinakamalaking travel guide book publisher sa mundo, ang Palawan bilang isa sa 10 best value travel destination para sa 2014.
Ikinuwento ni Lonely Planet writer Tom Hall ang kanyang pagkamangha sa mga jungle river, limestone cliff at magagandang beach ng Palawan sa kanyang review.
“Palawan’s no secret, but it certainly rewards those who visit,” isinulat ni Hall. “This mix, combined with stand-out attractions such as Puerto Princesa Subterranean River National Park and the Bacuit Archipelago (all available at a competitive price), makes it a great-value pick for old Asia hands and novices alike.
“A journey on from Palawan,” dagdag niya, “leads to the Calamian Islands where apparently Alex Garland saw the strip of sand that inspired The Beach.” Nagbabala naman si Hall sa pagtungo sa lalawigan ng mga turista tuwing Mayo hanggang Oktubre kung saan karaniwang nararanasan ang malakas ng pag-ulan sa pagsapit ng hapon.
Bukod sa Palawan, inirekomenda rin ni Hall ang Greek Islands, katimugang bahagi ng Italy, Bulgaria, Portugal, Fiji Mexico, Karnataka, India at Ethopia.
Dating pag-aaari ng BBC Worldwide, ang Lonely Planet ay binili ng NC2 Media ni American billionaire na si Brad Kelley sa halagang $75 milyon noong 2013.
.. Continue: Balita.net.ph (source)
No comments:
Post a Comment