P10 pamasahe sa jeep, sinupla ng LTFRB

Ni Kris Bayos

Ibinasura ng The Land Transportation Franchising and Regulatory Board (LTFRB) ang petisyon ng mga jeepney operator na itaas ang minimum na pamasahe sa Metro Manila, Ilocos, Cagayan, Central Luzon, Calabarzon, at Mimaropa sa P10 mula P8.



Sinabi ni Chairman Atty. Winston Ginez na nagpasya ang LTFRB na ibasura ang P2 jeepney fare hike petition na unang inihain ng Alliance of Concerned Transport Operators (ACTO) at Pangkalahatang Sanggunian Manila Suburbs Drivers Association (Pasang Masda) matapos mabigo ang mga petitioner na tumalima sa mga deadline.

“During the hearing last October 3, petitioners requested to file supplemental petition and evidence to support their petition. They were given 15 days to file said documents but as of the hearing last November 5, they have failed to do so, saying they are still conducting their study,” wika ni Ginez.

“As a result, we decided to dismiss the current petition and to await for the filing of any new petition from the operators,” dagdag niya.

Sa bahagi ng mga petitioner, sinabi ni Obet Martin ng Pasang Masda na ipupursige pa rin ng kanyang mga kasamahan ang kahilingan sa gobyerno na taasan ng P2 ang pamasahe.

Sinabi ni Martin na magsasama-sama ang Federation of Jeepney Operators and Drivers Association of the Philippines (FEJODAP), Alliance of Transport Operators and Drivers Association of the Philippines (ALTODAP), at Liga ng Transportasyon at Opereytors sa Pilipinas (LTOP) para sa iisang petisyon na kanilang susunod na ihahain.

“The LTFRB has the right to dismiss our petition but it is also our right to appeal it. We will file a motion for consideration and still push through for the P2 fare increase,” sabi ni Martin.

Hiniling ng ACTO at Pasang Masda sa gobyerno na itaas ang pamasahe sa jeep mula sa P8 ay gawing P10 at magpatupad ng 50-sentimong provisional fare hike habang pinagdedebatehan ng gobyerno ang kailang petisyon. Sinabi rin ng transport na nais nilang itaas ang singil sa bawat succeeding kilometer mula sa P1.40 sa P1.75 para makasabay sa mga demand ng tumataas na operasyon.

Gayunman, noong Nobyemre 17, boluntaryong ibinasura ng ACTO at Pasang Masda ang kanilang petisyon bilang year-end gift sa mga pasahero.

Nauna nito, tinanggihan ng LTFRB ang panukala na awtomatikong galawin ang fare rates batay sa galawa ng presyo ng krudo. Sinabi ng quasi-judicial body na nagkakaloob ng franchise sa public utility vehicle operators na kailangan pa rin ang public hearing bago magpatupad ng anumang fare adjustment, idinagdag na ang fare rates ay hindi nakadepende lamang sa galaw ng presyo ng langis.

.. Continue: Balita.net.ph (source)

P10 pamasahe sa jeep, sinupla ng LTFRB