Officer-in-charge ng LTO, itinalaga

Itinalaga si Atty. Alfonso “Aljon” Tan Jr. bilang officer-in-charge (OIC) ng Land Transportation (LTO) epektibo kahapon bilang kapalit ng nagbitiw na si Virginia Torres.



Ito ang kinumpirma ni Department of Transportation and Communications (DoTC) Secretary Emilio Joseph Abaya Jr. sa pamamagitan ng text message. Si Tan ay may tatlong taon ng nanungkulan sa LTO bilang executive director mula nang itinalaga si Mar Roxas na noo’y secretary ng DoTC subalit ngayo’y secretary ng Department of Interior and Local Government (DILG).

Ikinalugod naman ng mga empleyado ng LTO ang pagkakatalaga kay Tan bilang OIC ahensiya.

Anila, si Tan ang nararapart na itinalaga sa LTO dahil sa kanyang husay at propesyonalismo.

“Well the designation of ED Tan was a good indication for the agency because he (Tan) has been in the LTO for at least three years he would be known the ups and down of the agency,” dagdag ni Abaya.

Samantala, pinasalamatan ng mga empleyado ng LTO si Torres dahil sa kanyang magandang pakikitungo sa mga ito sa loob ng tatlong taon. – Jun Fabon

.. Continue: Balita.net.ph (source)

Officer-in-charge ng LTO, itinalaga