DUMAAN muna sa medical check-up si Janet Lim-Napoles bago sumalang sa pagdinig ng Senate Blue Ribbon Committee ngayong araw, Nobyembre 7.
Ayon kay Dr. Mariano Blancha, hepe ng Medical and Dental Bureau ng Senado, hiniling na nila sa Special Action Force (SAF) na custodian ni Napoles na gawing maaga ang pagpunta nila sa Senado para masuri pa ng Senate doctors si Napoles.
Sinabi ni Blancha na nais nilang makatiyak na maayos ang lagay ni Napoles dahil napag-alaman nilang araw-araw na itong nag-i-insulin para sa kanyang diabetes.
Sa kabila nito, kumbinsido si Blancha na kayang humarap ni Napoles sa imbestigasyon ng Senado dahil lumalabas sa kanyang records na stable naman ang kanyang blood pressure at blood sugar.
The post Napoles nagpa-medical check-up muna appeared first on Remate.
.. Continue: Remate.ph (source)
No comments:
Post a Comment