Kitchie at Rey, lifetime achievement awardee ng Star Awards

Ni Mell T. Navarro

GAGANAPIN ang 27th PMPC Star Awards for Television 2013 ngayong Linggo, November 24, 7:00 PM, sa AFP Theater, Camp Aguinaldo, Quezon City. Ang television at radio icons na sina Kitchie Benedicto at Rey Langit ang napili ng officers and members ng Philippine Movie Press Club, now headed by Fernan de Guzman, upang gawaran ng pinakamataas na karangalan – ang Lifetime Achievement Award.



Kinikilala at pinahahalagahan ng PMPC ang kanilang achievements at contributions sa Philippine television history, ang ilan sa criteria sa pagpili ng taunang karangalan bukod pa sa integrity at credibility.

Si Kitchie Benedicta ang tatanggap ng Ading Fernando Lifetime Achievement Award.

Ipinangalan ang lifetime honor PMPC kay Ading Fernando noong early 80s, bilang” creator” ng John En Marsha, na nag-introduce sa publiko ng tinaguriang “First Family of Philippine television” — the Puruntongs, played by Dolphy and Nida Blanca.

Si Kitchie Benedicto ay naging executive producer ng Superstar ni Ms. Nora Aunor, ang longestrunning musical variety show na tumagal sa ere ng 22 long years (continuous).

Kabilang sa past lifetime achievers ng Star Awards for Television sina Eddie Ilarde, Inday Badiday, Al Quinn, German Moreno, Nora Aunor, Vilma Santos, Tito Vic and Joey, Armida Siguion-Reyna, Pepe Pimentel, Tony Tuviera, Nida Blanca, Helen

Vela, Rosa Rosal, Apo Hiking Society, Eddie Mercado, at iba pa.

Si Rey Langit naman ang gagawaran ng Excellence in Broadcasting Lifetime Achievement Award.

Hindi rin matatawaran ang mga naiambag ni Rey Langit sa local broadcasting – through the years, hindi lamang sa telebisyon, kundi pati na sa radyo.

Kahanay na ni Rey Langit sa highest honor na ito ng PMPC (for broadcasters) sina Harry Gasser, Bong Lapira, Sen. Loren Legarda, Noli de Castro, Mel Tiangco, CheChe Lazaro, and Jessica Soho. Hosts ang Gonzaga sisters na sina Toni at Alex, kasama ang Gutierrez twins na sina Raymond at Richard sa 27th PMPC Star Awards for Television awarding rites.

.. Continue: Balita.net.ph (source)

Kitchie at Rey, lifetime achievement awardee ng Star Awards