Minaliit ng ama ni WBA featherweight champion Nicholas Walters ang kakayahan ni three-division world champion Nonito Donaire Jr. at naniniwalang patutulugin ng kanyang anak ang Pinoy boxer.
Tinawanan din ni Job Walters, trainer ng walang talong Jamaican boxer, ang panalo ni Donaire kay Armenian Vic Darchinyan sa 9th round TKO at sinabing mas maganda ang panalo ng kanyang anak kay Mexican Alberto Garza sa 4th round TKO noong nakaraang Linggo.
“You see those guys who fought a while ago [Donaire and Darchinyan], we’ll take any one of them on – and they know too,” sinabi ng nakatatandang Walters kay boxing writer Edward Chaykovsky ng BoxingScene.com. “It doesn’t matter who. All of them know that our power, our skills – is too much, too supreme for them.”
Buong yabang ding sinabi ni Walters na kapag tinamaan ng kanyang anak si Donaire ng isang suntok ay matutulog na ang Pilipino.
“You can see what they (Donaire and Darchinyan) are doing in there, they take too long to finish,” dagdag ni Walters. “When we hit people, we really hit people and they stay [down].” – Gilbert Espeña
.. Continue: Balita.net.ph (source)
No comments:
Post a Comment