Nag-landfall ang bagyong ‘Zoraida’ sa Baculin, Davao Oriental bandang 9:00 ng umaga kahapon, ayon kay Manny Mendoza, weather forecaster ng Philippine Atmospheric, Geophysical and Astronomical Services Administrattion (PAGASA).
Gayunman, sinabi ni Mendoza na masuwerte pa rin ang mga residente sa nasabing lugar dahil hindi kasing-lakas ni ‘Yolanda’ ang nasabing bagyo.
Sa weather bulletin kahapon, huling namataan ang bagyo sa layong 91 kilometro hilagasilangan ng Davao.
Taglay ng bagyo ang lakas ng hanging na aabot sa 55 kilometro kada oras at kumikilos ito sa bilis na 30 kilometro bawat oras.
Bukod sa Davao Oriental, isinailalim naman kahapon sa Signal No. 1 ang 29 pang lugar.
Nasa Signal No. 1 ang Cuyo Island, Palawan, Calamian Group, Siquijor, Southern Cebu, Bohol, Negros Oriental, Negros Occidental, Antique, Iloilo, Guimaras.
Signal No. 1 din sa Dinagat Province, Siargao Island, Agusan del Norte, Agusan del Sur, Surigao del Norte, Surigao del Sur, Compostela Valley, Davao del Norte, Samal Island, Bukidnon Misamis Oriental, Misamis Occidental, Lanao del Norte, Lanao del Sur, North Cotabato, Camiguin Island, Northern Zamboanga del Norte at Zamboanga del Sur. – Rommel P. Tabbad
.. Continue: Balita.net.ph (source)
No comments:
Post a Comment