Muling nagsagawa ang SMART national taekwondo team ng isa pang sterling international performance sa pagwawagi ng 12 medals, kasama na ang dalawang gintong medalya, sa katatapos na Asian University Kyorugi (free sparring) championships sa Cheongyang, Korea.
Pinasiklab ni Mary Anjelay Pelaez (under 46 kg) at Samuel Thomas Harper Morrison (under 58 kg) ang Filipinos sa ikalawang sunod na international campaign nang hablutin nila ang gold medal.
Ang iba pang SMART/PH medalists sa 18-country competition ay sina (silver) Kristopher Robert Uy (over 87 kg), Francis Aaron Agojo (under 54 kg), Christian Al Dela Cruz (under 68 kg), Ma. Isabella Erika Mora (under 53 kg), Jade Zafra (under 73 kg) at isang team at limang players at dalawang alternates.
Umentra naman sa bronze sina Paul Romero (under 63 kg), Nicole Abigail Cham (under 52 kg), Jane Rafaelle Narra (under 57 kg) at Gershon Bautista (under 87).
Ang Filipinos, ang pagbiyahe ay sinuportahan ng SMART Communications Inc., MVP Sports Foundation, PLDT, TV5, Meralco at Philippine Sports Commission, ay tumanggap ng matinding pagpupugay kay Philippine Taekwondo Association Chief Executive Officer Sung Chon Hong dahil sa kanilang ipinamalas.
“They deserve to win. They worked hard and trained long hours in preparation for the Korean campaign and the Southeast Asian Games in Myanmar next month,” saad ni Hong.
Ilang araw lamang bago ang Asian University Games, isa pang SMART/PH team ang nagningning sa 8th World Taekwondo Poomsae Championships nang mag-uwi ng tatlong gintong medalya, dalawang silver at isang bronze medals.
Muling pinangunahan ni Mikeala Calamba ang kampanya ng Filipinos sa Poomsae sa pamamagitan ng pagwawagi sa freestyle individual gold at team female (under 17 years old) gold kasama sina Jocel Lyn Ninobla at Rinna Babanta.
Ilan sa mga bansa na nagreprisinta sa Asian University Games ay ang Korea, Kazakhstan, Mongolia, Indonesia, Vietnam, China, Singapore, Hong Kong, Chinese Taipei, Malaysia, India, Myanmar, Laos Japan at Cambodia
.. Continue: Balita.net.ph (source)
No comments:
Post a Comment