MAPAPANOOD na ang bagong show ni Marian Rivera sa susunod na buwan na ang working title ng show ay hango pa rin sa kanyang pangalan, Marian. Okay na kay Gov. Vilma Santos na mag-guest siya sa Dance Show ng pinakamaganda at seksing aktres ng FHM sa ngayon. Handa na raw si Gov. Vi na makipag-showdown kay Marian.
Tatlo sana silang maglalaban-laban sa dance floor nila nina Alma Moreno na meron ding dating show na hawig ng show na ito ni Marian, subalit hindi umubra ang guesting ng konsehala ng Parañaque sa dahilang meron daw itong sakit?
Marami ang hindi maniwala na nagkaroon ng karamdaman si Alma. Bakit daw biglaan ito?
Iniintriga pa na umatras lang ito dahil hindi pa gaanong slim ang katawan. Mataba pa si Ms. Alma Moreno kaya ayaw raw nitong makita muna siya makita ng kanyang mga fans.
-0-
ANO naman ang dapat ikatakot ng ibang mga artista kay Maricel Soriano? Dahil ba sa kanyang katarayan o ang galing niyang umarte? Iyan ang mga sagot ng mga artistang kasama ni Marya sa tuwing meron siyang pelikula man o teleserye. Isa lang ang kanilang kasagutan kasama na ang kaba sa makae-eksenang Diamond star.
Sa presscon ng soap na Ang Dalawang Mrs. Real, tatlo ang major characters rito: sina Maricel Soriano, Dingdong Dantes at Lovi Poe. Worth naman na makasama si Lovi sa bagong soap na ito dahil nagagampanan niya nang mahusay ang bawat role na napupunta sa kanya.
Anyway, isa siya sa dalawang asawa ni Dingdong Dantes at hindi rin siya nagpakabog kay Maricel Soriano. Nang malaman nga ni Lovi na makakasama niya si Maricel Soriano sa Ang Dalawang Mrs. Real, naging excited ito sa kanya dahil noong mapasama siya sa cast ng Yesterday, Today, Tomorrow ay hindi sila nagkaroon ng eksena. This time, excited nga naman siya dahil magkakaharap sila ng Diamond Star bilang mga Mrs. Real.
-0-
NABIGO si Gob.ER Ejercito na makakuha nang TRO na katigan ng Korte Suprema kaya napilitan siyang bumaba na sa puwesto. Nanumpa na ang bagong gobernador nang lalawigan ng Laguna na si Vice Gov. Ramil Hernandez. Sinusulat namin ang aming kolum, nakiusap daw si ER na hayaan muna silang makapaglipat ng kanilang mga gamit at lilisanin na nito ang Kapitolyo kung saan kinandado nila ito kasama ang kanyang mga tagasuporta na hanggang ngayon ay nag-iiyakan.
Ang kinaaawaan namin ay iyong mga empleyado ni ER na kasama rin niyang bababa. Marami ang nalungkot sa kanyang pagkaka-disqualify bilang gobernador at marami rin ang natuwa sa pag-upo ng kahalili nito na si Vice Governor Ramil Hernandez. Ciao Bambino!
The post Nagdahilan dahil masyoba? appeared first on Remate.
.. Continue: Remate.ph (source)
No comments:
Post a Comment