Monday, June 30, 2014

Gawin bang big deal ang pagkakaroon ng make-up set ni Enchong!

NAMAN! obvious na si Enchong Dee ang palagi na lang bida sa blind item na paulit-ulit na topic ang pagkakaroon nito ng kumpletong gamit sa pag-make-up at may pahaging pang kumpirmasyon na meron daw pagkabading! Ows? Maraming artistang lalaki na may mga sariling make-up kit noon pang araw at bumibili na sila ng kanilang sariling make-up dahil ayaw nila nang marami ang gumagamit, lalo na ang spongha na ipapahid sa iba’t ibang mukha ng artista. Walang masama kung ang isang lalaki may sariling gamit pang make-up. Kasi nga naman, unsanitary kung sinu-sino na lang ang pinapahiran ng make-up artist.


May kilala akong action star na dala-dala niya sa shooting or taping ang kanyang mga gamit na pang make-up. Pulos stateside at imported baga. Tinanong namin kung bakit may sarili siyang dala gayong meron namang make-up ang production. Ang sabi niya, maigi na raw ang may sarili para iwas sa mga mikrobyo dala ng iba’t ibang balat ng tao. O, ‘di kainam naman maingat sa personal niyang hygiene. Kaya walang masama kung magkaroon ng sariling make-up si Enchong Dee.


Karamihan sa mga artistang lalaki lalo na iyong can afford bumili ng mga imported na gamit pang make-up, ginawa pang big deal. Hahaha!

-0-


First time naming mapanood ang show ni Marian Rivera sa channel 7 with guwest stars Mark Bautista at Michael V. Hindi kami kuntento sa kanilang pagsasayaw na napaka-basic naman at napaglumaan na ang style. Ginaya lang sa isang Koreano ang Gangnam style na wala talagang kalatuy-latoy na sayaw.


Expected pa naman nang marami na magiging kaibang sumayaw itong si Michael at ang funfare sa kanya ang galing daw nitong sumayaw. Pati na rin ang host na si Marian, ang sayaw din niya ay hango rin sa Korea. Iyon bang music niya ay ang Nobody But You.


Mahuhusay nga silang sumayaw kaya lang ordinaryong sayaw ang ipinakikita. Sana man lang kumuha nang magaling na choreographer ang production. Malayo ito roon sa show noon ni Alma Moreno at lalo na kay Lucy Torres Gomez. Kaya ang masasabi namin, nakukulangan kami sa mga klase ng sayaw na ipinakikita ni Marian pati na sa guest nila. In my opinion, that is.


-0-


Hindi pa hiwalay sina Iwa Moto at ang anak ni Senator Panfilo Lacson na si Pampi. Kinumpirma ito ng dalawang nagmamahalan. Kumalat kasi ang balita na hiwalay na sila noong kasagsagan ng maging finalist siya sa isang dance show.


Pangarap ni Iwa na makasal silang dalawa ni Pampi kaya lang hindi pakakasal si Pampi sa kanya kahit ito’y annulled na kay Jodi Sta. Maria.


Si Iwa kasi ay kasal pa rin sa kanyang unang asawa na si Mickey Ablan at hindi pa sila annulled.


‘Yan ang pinakahihintay ni Iwa ang ma-annull na ang kasal niya kay Mickey. Umaasa pa rin ang sexy actress na darating ang araw ay mapapawalang-bisa na ang kanyang kasal. Sana nga.


Ang isa pang minimithi ni Iwa maliban sa kasal niya kay Pampi ay ang makabalik siya sa kanyang mother studio, ang Kapuso network. Wala kasi siyang work maliban doon sa paglabas niya sa nasabing dance show.


Ciao Bambino!


The post Gawin bang big deal ang pagkakaroon ng make-up set ni Enchong! appeared first on Remate.


.. Continue: Remate.ph (source)



Gawin bang big deal ang pagkakaroon ng make-up set ni Enchong!


No comments:

Post a Comment