SWAK sina Maricel Soriano at Alessandra De Rosssi bilang magkaibigan sa Ang Dalawang Mrs. Real ng GMA 7 na consistent na mataas ang ratings. Bagamat parehong mataray ang image nila, wala raw silang ginawa sa set kundi magtawanan. Hindi raw pinapairal ni Maria ang pagiging Diamond Star.
Hindi rin nagpapatalbog si Alex kina Maricel at Lovi Poe pagdating sa aktingan. Marami ang nakapupuna na effortless ang acting niya at hindi lang pansahog sa serye. Kumbaga, may bigat ang kanyang role.
Anyway, mas lalong tumitindi ang istorya ng soap dahil ikinasal na si Dingdong Dantes (Anthony) kay Lovi Poe (Shiela). Si Alessandra ang makabubuking sa kasalang naganap. Isumbong kaya niya ito kay Millette Real (Maricel)?
‘Yan ang tutukan ngayong Martes!
-0o0-
Hindi kaya pampromo lang ang rebelasyon ni Arjo Atayde na matagal na niyang type si Alex Gonzaga na kung saan ay magkatambal ang dalawa sa bagong teleserye ng Dos na Pure Love? Magsisimula na ito sa July 7.
Natotorpe raw si Arjo at dahil laging sinasabi ni Alex na the door is closed, maghihintay raw siya na maging open. Hindi rin kasi vocal person si Arjo kaya hindi alam ni Alex na matagal na siyang bet ng actor.
Marami pa ang pwedeng mangyari kina Arjo at Alex dahil posible talagang ma-develop sila dahil matagal silang magsasama sa taping.
“Once she gives me a hint na parang she’s okay, then I’ll really go for her,” deklara pa ni Arjo.
Hintayin natin ‘yan at kung ‘Pure Love’ nga ba talaga ang nararamdaman niya, huh?
Pasok!
The post Panliligaw kuno ni Arjo kay Alex, pangpromo lang? appeared first on Remate.
.. Continue: Remate.ph (source)
No comments:
Post a Comment