Mas excited pang pag-usapan ang movie kaysa sa kasal

TOTOO ba na sa Japan pa raw nag-propose ulit ng kasal itong si Luis Manzano kay Angel Locsin?

Ang kaso, matabang na raw talaga ang pakikitungo ng aktres kay Luis. Iniisip siguro ni Angel na baka bigla na namang magbago ang desisyon na pagpapakasal nila nitong si Luis, kaya naman parang dedma na si Angel sa mga pangako at alok na kasal sa kanya ni Manzano

Mas excited pa raw ngayon si Angel Locsin na pag-usapan ang kanyang gagawing pelikula sa Star Cinema na Darna.

Kunsabagay, matagal na talagang pangarap ni Angel na gawin itong Darna kaya naman mas excited ngayon ang aktres sa pagsisimula ng kanilang shooting. Kung sakali mang ngayon sila magpapakasal ni Luis, siguradong tatanggihan ito ni Angel dahil ang mas priority niya ang nabanggit na proyekto.

Teka lang, ilan na ba silang mga artista na pinapilian para mag-Darna? Kasama kasi nun sa mga lineup na gustong kunin ng Star Cinema para mag-Darna ay sina Christine Reyes, KC Concepcion at si Angel Locsin nga. Pero sa kalaunan, ito ngang si Angel ang napagdesisyonan ng Star Cinema na mag-Darna.

Tinanong din namin si Angel kung kelan ba nila plano ni Luis na magpakasal?

Ang balita kasing nakarating sa’min ay this year or early next year bago mag 2016 Election.

Di nga ba’t may plano pa nga itong si Papa Luis na tumakbong Mayor sa Lipa, Batangas ngayong 2016?

Kaya kung hindi magbabago ang napagkasunduan nila ni Angel, siguradong tatapusin muna nito ang Darna bago sila pakasal ni Luis at makahahabol pa sila bago maging abala sa pangangampanya itong si Luis para sa 2016 Election.

ooo

Totoo ba na tatakbo talaga for Senator para sa 2016 Election itong si Dingdong Dantes na jowa ni Marian Rivera? May isang friend kami na taga-Malacañang na nakausap namin tungkol sa planong pagtakbong ito ni Dong sa Senado.

Kaya nga ang daming nag-react at nagtaas ng kilay.

Sabi pa ng iba, sobrang matayog daw ang pangarap ni Dingdong Dantes para tumakbo sa pagka-Senador. At kung sino man daw ang nagbigay ng ilusyon na kay Mr. Dantes, dapat daw ipako sa krus at ipakain sa mga langgam.

May mga nagtatanong pa kung saan daw ba kukuha ng milyones na pondo ang GMA actor para sa kanyang ilusyon na pagtakbo sa Senado?

Kahit nga raw siguro Kagawad ng Barangay ang takbuhan nitong si Papa Dong ay baka hindi pa ito manalo?

Dapat daw nagsimula muna sa mababang posisyon in terms of politics itong si Mr. Dantes bago ambisyunin ang isang mataas na posisyon sa Senado.

May balita ring nakarating sa amin na popondohan yata ng Malacañang o ni President Noy ang nasambit na kandidatura ni Dantes.

Di ba sa mga naunang statement ni President Noy, hate niya ang mga taga-showbiz, matapos niyang patutsadahan ang mga artista at ipakulong ang dalawang Senador ng Bayan na sina Papa Bong Revilla at Jinggoy Estrada (a.k.a. sexy).

Bakit ngayon may mga isyung lumalabas na mismong si Pres. Noy at mga alipores niya sa Malacañang ang humihimok kay Dingdong Dantes na tumakbo for Senator ngayon 2016 Election?

Akala ba ni Pres. Noy at ng Malacañang ay sobrang dami na ng mga fans nitong si DingDong Dantes kaya umaasa silang mananalo ito sa pagka-Sendaor?

Dapat siguro ngayon palang mag esep-esep na si DingDong Dantes kung binobola lang ba siya ng kanyang mga sinasabing Advisers or Alipores.

Dapat siguro pagbutuhin na lang ni Dong ang kanyang pag-aartista bago ambisyunin ang pagiging Senador.

ooo

Para naman sa mga detalye, tawagan lamang o i-text si Mama Greta Loka sa kanyang cellphone number 09291282504.

The post Mas excited pang pag-usapan ang movie kaysa sa kasal appeared first on Remate.

.. Continue: Remate.ph (source)

Mas excited pang pag-usapan ang movie kaysa sa kasal