Jomari at Aiko nagkabalikan

MUKHANG nagkabalikan na nga sina Jomari Yllana at Aiko Melendez. Kahapon kasi ay isa si Aiko kasama ang mga anak na sina Andrei at Marthena ang buong ningning daw na nag-cheer para sa una dahil kasama ito sa 16 racers na naglalaban-laban para sa Philippine Grand Touring Championships na ginawa sa Batangas Racing Circuit.

Hindi namin nakuha ang resulta ng laban. Pero natalo man si Jomari, panalo pa rin siya dahil kung nagkabalikan nga sila ng dating misis magandang balita ‘yon. Ibig-sabihin nu’n, mahal talaga nila ang isa’t isa at tiyak na magiging maayos na ang kanilang pagsasama sa pangalawang pagkakataon dahil alam na nila kung paanong mag-adjust sa kanilang mga sarili at sa kanilang pagsasama.

Pihadong walang pagsidlan ang tuwa ngayon ng anak nilang si Andrei.

***

ONE DIRECTION, PINABA-BAN SA PILIPINAS!

MUKHANG mabubulilyaso pa ang pinakaabangang concert ng One Direction sa Pilipinas sa darating na March 21 at 22 next year dahil sa paglabas ng mga grupong tumutuligsa at humahadlang para hindi matuloy ang kanilang pagtatanghal dahil sa usapin sa drugs.

Isa sa hayagang anti-drugs advocate group na umaayaw sa sikat na boyband ay ang Laban ng Pamilyang Pilipino. Nananawagan sila sa gobyerno na ipatigil ang nalalapit nitong show sa bansa dahil hindi raw ito magandang ehemplo sa mga kabataang Pinoy na umiidolo sa kanila lalo pa’t sa mga panahong ito ay palala na nang palala ang nagiging sugapang mga kabataang Pilipino sa ibinagbabawal na gamot.

Ang pagkontra ng grupo ay nag-ugat dahil sa video nina Louis Tomlinson at Zayn Malik ng British pop group sa social network kung saan makikitang tsumotsongki ang mga ito ng marijuana. At lumalabas ding si Tomlinson pa raw ang kumuha ng video habang nasa Peru sila para sa kanilang world tour. Nagawa pang magbiro ng dalawa habang sumusungkal sa likod ng kanilang sasakyan.

Dahil sa kalokohan ng dalawa, nadadamay tuloy ang ibang miyembro ng grupo na sina Harry Styles, Niall Horan at Liam Payne.

Well, last week pa in-open ng concert organizer ang pagbili ng ticket online sa halagang P1,150 para sa general admission hanggang P17,950 para naman sa VIP. Kung magkakaproblema, kawawa naman ang nakabili na ng ticket. Kaya kung ako sa inyo, sa susunod na taon na lang ako bibili.

***

MAGAGALING NA PINOY POP SUPERSTAR DARATING SA CONCERT NI GERALD SANTOS

27 days to go na lang at concert na ni Gerald Santos. Todo dasal naman si Gerald sa big event na ito para sa kanyang career. At dahil mabait na tao, nagbubunga na ang pagdarasal niya dahil parami nang parami ang mga bumibili ng kanyang tiket.

At para sa mga fans ng Pinoy Pop Superstar, manood kayo dahil darating sila sa concert na mangyayari sa June 28, 8pm sa Skydome SM North Edsa. Magpe-perform sina Jonalyn, Maricris, Brenan, Harry at Bryan at iba surprise guests.

Available pa rin ang tickets sa SM TICKETS o kaya tumawag sa 4702222. Puwede ring magpa-reserve thru Kuya Rommel sa 09284782957.

***

Para sa inyong suhestyon at komento, mag-text lamang sa #09074582883 o kaya’y mag-email sa kuya_abepaul@yahoo.com. Mapakikinggan din kami sa programang Star Na Star sa DWIZ 882khz 1:30-2:30 p.m. Lunes hanggang Biyernes. Mabalos!

The post Jomari at Aiko nagkabalikan appeared first on Remate.

.. Continue: Remate.ph (source)

Jomari at Aiko nagkabalikan