Binoe lilipat na sa TV5

MAY kontrata pa sa Kapamilya network (ABS-CBN) si Robin Padilla pero suma-sideline ito sa ibang TV station. Kung hindi nga lang mamamatay ang role niya sa Adarna, ang serye na pinagbidahan ng kanyang anak na si Kylie Padilla, kasama sana si Binoe doon.

Umayaw lamang siya dahil ayaw daw niyang natitigbak siya sa TV. Pero rito sa “Jasmine,” ang serye naman ni Jasmine Curtis sa Kapatid network (TV5) ay sigurado na siyang papasok. Isang lasenggong karakter daw ang gagampanan niya. Mismong si Madam Wilma Galvante raw ang kumuha sa kanya.

Plantsado na ito at nakapagpaalam na raw siya sa Dos.

Hindi niya sinagot ang tanong kung hanggang kailan ang contract niya sa Channel 2, basta nand’yan lang daw palagi sa kanya ang nasabing istasyon.

“Ang ABS naman, palagi naman ‘yan, hindi naman sila bumibitiw. Ganoon naman ang ABS, palagi silang may offer,” ani Robin.

Ngunit base sa tinutumbok ng pananalita ng aktor, nakapag-usap na sila ni Ms. Galvante at naiintindihan daw ang kanyang sitwasyon. Kung sino raw ang makapagbibigay sa kanya ng malaking kontrata ay doon siya.

“Puro kaibigan ko naman kasi ang boss dun. Puro kasabayan ko naman, at naiintindihan naman nila ang pangangailangan ko,” sabi pa ni Binoe patungkol sa mga namumuno sa Channel 5.

Ayaw ng huli na magkomento tungkol sa breakup ng kanyang anak na si Kylie Padilla sa boyfriend nitong si Aljur Abrenica. Inis itong pag-usapan ang nasabing isyu. Nisaktan na nga raw ang anak niya tinatanong pa siya ng press people kung ano ang nangyari.

Ang payo na lamang nito sa kanyang dalaga ay humanap ng isang tunay na lalaki, isang barakong Pilipino raw-hindi baklita o sanay sa bading. ‘Yun na!

***

JULIA BARRETTO, AAYUSIN ANG KAGULUHAN NG PAMILYA

Kagandahan ng kalooban ang pananaigin ng karakter ni Julia Barretto sa pagtatapos ng top-rating Primetime Bida fantaserye ng ABS-CBN na ‘Mirabella’ ngayong Biyernes (Hulyo 4). Mas iinit ang mga tagpo sa huling linggo ng ‘Mirabella’ ngayong mapapatunayan na sa lahat na si Mira (Julia) ay tunay na anak ni Alfred (James Blanco). Paano aayusin ni Mira ang problema ng kanyang pamilya ngayong patuloy pa rin ang masasamang plano nina Olive (Mylene Dizon) at Iris (Mika dela Cruz) laban sa kanya?

Maituturo niya ba sa mga ito ang importansya ng kabutihan ng isang tao kaysa sa panlabas na kaanyuan? Sa huli, sino nga ba ang makapag-aalis ng sumpang namana ni Mira (Julia) kay Daisy (Dimples Romana)-si Alfred na naging dahilan ng kanyang paghihiganti, o ang tunay na umiibig sa kanya na si Jeremy (Enrique Gil)?

Ang ‘Mirabella? ay sa ilalim ng direksyon nina Erick Salud, Jojo Saguin, at Jerome Pobocan, at produksyon ng Dreamscape Entertainment Television. Huwag palampasin ang “The Beautiful Ending” ng ‘Mirabella’ ngayong Biyernes na, bago mag-TV Patrol sa Primetime Bida ng ABS-CBN.

Para sa karagdagang impormasyon kaugnay ng ‘Mirabella’ bisitahin lamang ang official social media accounts ng programa sa http://ift.tt/OQAKuY at http://ift.tt/1fe5AUq.

***

For comment, suggestion & news feed, text me at #09234703506/#09074582883 or email at kuya_abepaul@yahoo.com. Please listen to DWIZ’s Star na Star program from 1:30-2:30 p.m, Monday to Friday. Mabalos!

The post Binoe lilipat na sa TV5 appeared first on Remate.

.. Continue: Remate.ph (source)

Binoe lilipat na sa TV5