KINAUSAP namin ang aming kaibigang personalidad tungkol sa naglabasang larawan sa social media ng ex-showbiz couple na sina Claudine Barretto at Raymart Santiago kasama ang dalawang anak na sina Santino at Sabina na kuha nitong Sabado lang sa isang resto na si Clau mismo ang nag-post sa kanyang Instagram Account na may kasamang mensahe na, “We may have failed as husband and wife but we will strive to be good parents for the sake of our children.”
Ayaw nang magbigay pa ng mahabang komento ang aming kaibigan na concerned lang kay Clau. Basta ang masasabi lang niya ay ginagawa ‘yun ni Claudine para sa kapakanan ng kanyang mga anak at pagdating raw sa “custody” hindi totoo ‘yung naglalabasan na nagkaayos na ang magkabilang kampo dahil patuloy pa rin itong dinidinig sa korte.
Another thing, never naman daw talagang nagkaproblema pagdating sa visitation ni Raymart sa mga bata. Nagkagulo lang ito nang bulungan si Raymart ng pakialamero niyang abogado na sampahan nila ng kasong habeas corpus si Claudine, na syempre’y pinalagan nang aktres at ng kaibigan nitong legal counsel. Bakit pa kasi magsasampa ng ganyang kaso gayong wala namang problema sa pagdalaw ng ama sa kanyang mga anak? Ibig-sabihin ay gusto lang talagang i-harass si Claudine ng tinutukoy nating lawyer. Mabuti pa ‘yung isang male lawyer ni Raymart na cool at relax lang at never umepal sa kaso.
Uy! malapit na pala ang birthday ni Clau at parang advance birthday treat na rin niya kina Sabina at Santino ‘yung paglabas nila kasama si Raymart. Doon naman sa mga nag-iilusyon na magkakabalikan pa ang dating mag-asawa, nagbitaw na nang salita si Clau na masyadong malalim na ang sugat sa naging hidwaan nila ni Raymart at hindi na rin niya mahal ang aktor kaya’t wala ng pag-asa pang magkabalikan sila nito.
Anyway, ngayon kung makikitang lumabas sila uli at ‘yun ay para na lang sa kanilang mga anak. Pero ‘yung tungkol sa kanila ay isinara na ni Clau ang puso niya kay Mr. Santiago. So, may closure na, dapat lang naman gyud!
ANGELINE QUINTO LIVE SA 19 EAST BAR & GRILL SA SUCAT PARAÑAQUE
Kasabay nang magandang pagtanggap ng TV viewers sa Sana Bukas Pa Ang Kahapon ng bagong movie queen na si Bea Alonzo at Paulo Avelino na umaapaw talaga sa taas ng ratings gabi-gabi, magkakaroon naman ng live performance ang kumanta nang official soundtrack ng SBPAK na si Angeline Quinto sa 19 East Bar & Grill sa Sucat Paranaque na mag-uumpisa ngayong Huwebes, July 3 at 10 PM at sa July 10 & 31.
Mapanonood rin si Angeline sa same venue sa August 7, 14 and 21. Kakantahin ng tinaguriang Queen of Teleserye Theme songs ang mga awitin na kasama sa OST ng serye tulad ng theme song nito na Sana Bukas Pa Ang Kahapon, Gusto Kita, Umiiyak Ang Puso, etc.
Aba! sa halagang P500 na cover charge, maliban sa mag-eenjoy kayo kay Angeline sa paghagod nito ng mga awiting mula sa puso ay magkakaroon pa kayo ng libreng CD album ng nasabing official soundtrack. Kaya dalhin ang buong pamilya, barkada at ang inyong special someone at sama-sama tayong ma-inlove, mag-emote at mag-chill. Ang special event na ito ay hatid sa inyo ng Star Records, Cornerstone at ng Dreamscape Entertainment Television.
BULAGAAN NG EB, ILANG DEKADA NA NATING KASAMA MULA BATANES HANGGANG JOLO
Ang cute naman ng dating at bagay na bagay sa EB Dabarkads ang kanilang PE uniform sa nagbabalik na Bulagaan 2014.
At ngayon ay nag-evolve na ang ilang dekada ng segment na kinatuwaan niyo sa Bulaga na nagpasikat kina Aiza Seguerra Gracia, Rochelle Pangilinan at Jopay Paguia ng Sexbomb Dancers, Gladys “Chuchay” Guevarra at ngayon naman kay Isabelle Daza at Aleng Maliit Ryzza Mae.
Ngayon ay iba’t ibang challenge ang ginagawa ng Dabarkads at maging si Bossing Vic Sotto ay hindi nagpapahuli sa pagsali sa challenge kung saan partner sila ni Aleng Maliit. Kaya nga hindi ito pinagsasawaan ng mga manonood mula Batanes hanggang Jolo kasi very entertaining namang talaga noon pa ang Bulagaan!
Isa ang segment na ito sa EB sa malakas ang dating sa TV viewers at kumpleto ang kanilang pananghalian kapag napanonood nila ito. ‘Yung ibang followers nito simula bata ay may mga asawa’t apo na ngayon. Ganyan na katagal ang favorite niyong Bulagaan.
The post Claudine at Raymart ‘di na magkakabalikan appeared first on Remate.
.. Continue: Remate.ph (source)
No comments:
Post a Comment