Pinoy at foreign cyclists pipidal sa Ronda Pilipinas

MAKIKIPAG-PADYAKAN ang mga Filipino cyclists sa matitikas na foreign challengers sa gaganaping Ronda Pilipinas 2014 na mag-uumpisa sa Sabado (Feb. 1).

Ang event ay may 14-stage, 16-day race na uumpisahan at tatapusin sa National Capital Region at may distansyang 1,776 kilometers.

Haharapin ni defending champion Irish Valenzuela ng Phl Army sina Southeast Asian Games gold medalist Mark Galedo ng 7-Eleven at fast-rising Ronald Oranza ng Team PLDT.

Si Valenzuela na pumadyak ng unang Ronda tilt ay kinuha ng Army matapos madisband ang dati nitong koponan na LPGMA-American Vinyl.

Malaki naman ang tinwala ni Galedo na maduduplika nito ang tikas na ipinakita sa second staging ng annual event.

“It will be tougher this year because we will not only competing against our fellow Filipino riders but also some foreign participants,” anang 27-year-old Galedo na nakakuha ng P100,000 incentives galling sa Phl Sports Commission. “But I have trained hard for this event and I hope to make not just my 7 Eleven team, but also our country proud,”.

Nagbabanta namang manikwat ng titulo ang pitong international teams, isa na rito ang the Netherlands na maninibelahan ang Global Cycling Team Holland.

Sakaling makapasa ang mga Pinoy sa matinding hamon ng mga dayuhan ay paniguradong tutuon ang mga ito sa pagsungkit ang medalya sa 17th Asian Games sa Incheon, South Korea ngayong taon.

“Really, one of Ronda’s main goals is to medal in the Asian Games,” ani LBC at Ronda boss Fernando “Dino” Araneta.

Ang ibang international teams na magpipidal ay ang Japan’s Matrix Powertag Continental Team, Chinese Taipei’s Gusto Continental Team, the Malaysian National Team, Thailand-registered CNN Continental Cycling Team, Uijeongbu City Cycling Team ng South Korea at Infinite-Singha Cycling Team.

Bukod sa Team Phl Army, 7- Eleven at team PLDT ang ibang local teams ay ang Team Phl Navy Standard Insurance, Team Cycleline Butuan Mindanao, Roadbike Phl at Team Cebu-Kalit Phl Air Force.

The post Pinoy at foreign cyclists pipidal sa Ronda Pilipinas appeared first on Remate.

.. Continue: Remate.ph (source)

Pinoy at foreign cyclists pipidal sa Ronda Pilipinas