NALAGAS sa pananambang ang isang pulis, dating kabaro nito at isa sa mga salarin nang magbarilan ang dalawang panig sa Batangas City kagabi, Biyernes.
Sinabi ni Batangas Police Director Omega Fidel, ang mga namatay ay sina SPO4 Fidel Macatangay na nakatalaga sa Batangas Police Intelligence Group (BPIG) at ang dating pulis na si Melvin Talabis.
Naisugod pa sa pagamutan sina Macatangay at Talabis pero nalagutan din ng hininga sanhi ng mga tama ng bala ng M16 rifle at kalibre 45.
Patay din sa bakbakan ang isa sa mga suspek na si Avelino dela Paz nang gumanti ng putok si Macatangay.
Sa ulat, naganap ang isidente alas-9:45 kagabi sa Barangay Sta. Rita Karsada.
Bago ito, nanggaling ang mga biktima sa bayan ng San Pascual at papuntang Batangas City nang pagsapit sa lugar ay tambangan ng anim na suspek habang sakay sa kanilang Isuzu Crosswind.
Tinutugis na ng pulisya ang iba pang suspek na hinihinalang mga miyembro ng drug syndicate.
The post Parak, ex-pulis, 1 pa patay sa ambush appeared first on Remate.
.. Continue: Remate.ph (source)
No comments:
Post a Comment