HUMIRIT ng overtime game ang Toronto Raptors subalit nabigo pa rin sila sa kanilang lugar.
Umiskor sina point guard Damian Lillard at forward Aldridge LaMarcus ng tig 25 puntos upang tulungan ang Portland Trail Blazers na ipinta ang 8-2 win-loss slate matapos kaldagin ang Raptors, 118-110 kanina sa nagaganap na 2013-14 National Basketball Association, (NBA) regular season.
”We didn’t have a reason to be all riled up,” saad ni Lillard. ”They played well getting back into the game. I think we were calm because we knew what we needed to do to win the game and we were able to get that done.”
Angat ng 10 puntos ang Blazers papasok ng fourth canto, 79-69 subalit kumana ng 33 puntos ang Raptors sa payoff period upang maka-puwersa sila ng isa pang quarter.
”The overtime we played well, especially defensively,” ani Portland coach Terry Stotts. ”I was proud of the way we competed in overtime, made plays and got the win.”
Isa sa mga naging susi sa panalo ng Portland ay ang kanilang three-point shooting kung saan ay naglista sila ng 15-of 32 kumpara sa 3-of-17 ng Toronto.
”It’s tough when they’re knocking down shots like that,” saad ni Rudy Gay na nagtala ng 30 points at 10 rebounds para sa Toronto. ”No matter how much we rotate, move it around and switch, it’s tough to play when a team has it going. I’m not happy they made shots, but I’m happy with the effort we put forth.”
Nagsahog pa si Lillard ng walong assists at limang rebounds habang 11 boards at apat na assists naman ang dinagdag ni lamarcus sa kanyang performance.
Bumakas din sina Nicolas Batum at Matthews Wesley ng 24 at 17 markers ayon sa pagkakasunod para itarak ang six-game winning streak ng Portland at manguna sa Northwest.
Sa ibang kaganapan, pinaluhod ng Memphis Grizzlies at Sacramento Kings, 97-86 habang pinayuko ng Los Angeles Lakers ang Detroit Pistons, 114-99.
The post Trail Blazers tinalbos ang Raptors appeared first on Remate.
.. Continue: Remate.ph (source)
No comments:
Post a Comment