Nagpagulong si dating Masters champion Raoul Miranda ng MTBA/ RP ng three-game series na 717 pinfalls upang umungos sa Class O men’s singles lead sa 42nd Philippine International Open tenpin bowling championship sa Sta. Lucia Center sa Sta. Lucia East Grand Mall sa Cainta, Rizal.
Itinala ni Miranda, ang 2009 PIO titlist at miyembro ng national team, ang 207, 257 at 253 upang tumapos na lamang kay six-time world champion Paeng Nepomuceno ng PBC/Prima, nagposte ng 667 (246-215-206) at youthful teammate Collins Jose (664).
Nagpasiklab rin si TBAM/Prima/ RP’s Rachelle Leon at teammate Ren Cremen nang kunin ang Open all events at Class A singles’ top positions, ayon sa pagkakasunod.
Nagsumite si Leon ng 1416 sa isa pang series na 577 sa singles, 391 (doubles) at 448 (team) upang ungusan si Krizziah Tabora (1382) at defending Masters champion Liza del Rosario (1372), habang si Cremen ay nagtala ng 751 sa sizzling games na 267, 254 at 230 upang alpasan si Pabs Penalba (658) at Merwin Tan (639).
Nagningning rin si TBAM/Prima’s Odjie Guerrero at Mar Serac, kasama si PBA’s Nelia Santos sa 15-day kegfest na may basbas ng WTBA at ABF, inorgansa ng Philippine Bowling Congress at sa kooperasyon ng Sta. Lucia Mall, Boysen Paints, Philippine Olympic Committee, Philippine Sports Commission at PCSO. Sumuporta naman ang University of Perpetual Help System, Richmonde Hotel Ortigas at National Bowling Tour.
Ipinakita ni Guerrero ang tikas sa dalawang events, Senior Men’s Masters qualifying round at Toti Lopa Memorial Cup Masters eliminations. Umakyat naman si Serac sa men’s Class A all events at ipinagpatuloy ni Santos ang top spot sa ladies’ Class A singles.
Nagtala si Guerrero ng 1309 upang hadlangan si SLETBA’s Rody Soriano (1254) at nagposte si Atty. Boy de Leon, ang PBC deputy secretary general (1199) sa senior Masters event, ng 2020 upang pagulungin ang walong pins na kalamangan kay Nepomuceno (l902) at 148 laban kay Ren Cremen sa Lopa Cup para sa alaala ng namayapang si PBC president Ernesto “Toti” Lopa.
Nagmarka si Serac ng 1412 upang lagpasan si SLETBA’s Jessie Cremen (1394) at TBAM’s Mon Camba (1356) sa all events, habang inasinta ni Santos ang three-game series na 617 upang ungusan si Lynn Tan (551) at Susan San Diego (524) sa singles.
.. Continue: Balita.net.ph (source)
No comments:
Post a Comment