Ni Leonel Abasola at Leslie Ann G. Aquino
Ibinasura ni Sen, Teofisto “TG” Guingona III ang panukalang ipagpaliban ang pagdinig ng Senate Blue Ribbon Committee kaugnay sa P10 bilyong anomaly sa Priority Development Assistance Fund (PDAF) kung saan nakatakdang dumalo si Janet Lim-Napoles sa Huwebes, Nobyembre 7.
Ayon kay Guingona chairman ng Blue Ribbon Committee, plantsado na ang lahat sa pagdalo ni Napoles sa Senado, partikular sa isyu ng seguridad ng negosyante, kaya walang dahilan para ipagpaliban pa ito.
Nauna ng hiniling ni Sen, Sergio Osmena III na ipagpaliban sa Nobyembre 18 kasabay ng araw na pagbukas ng Kongreso ang imbestigasyon kay Napoles dahil mayorya sa mga senador ay hindi makadadalo sa Huwebes.
Pinaliwanag ni Guingona, na nakakasa ang lahat sa pagdalo ni Napoles sa pagdinig.
“The Senate Blue Ribbon Committee will push through with its November 7 hearing with Mrs. Janet Lim-Napoles and the whistleblowers. The hearing will start at 10:00 am” nakasaad sa text message ni Guingona.
Samantala, hinamon ni Bishop Deogracias Iñiguez, chairman ng Catholic Bishops Conference of the Philippines-Public Affairs Committee chairman, ang lahat ng senador na dumalo sa pagdinig sa pork barrel hearing sa Huwebes.
“The senators should attend. The Truth should come out,” ani Deogracias.
“Let her (Napoles) name names,” giit naman ni Malolos Bishop Jose Oliveros.
.. Continue: Balita.net.ph (source)
No comments:
Post a Comment