Naomi Campbell portrait, lilikom ng pondo para sa mga biktima ng ‘Yolanda’

KUMILOS ang British supermodel na si Naomi Campbell para makalikom ng pondo para sa mga biktima ng kalamidad sa Pilipinas.

Ang super typhoon Yolanda ay sumalanta sa mahigit 800,000 katao, ayon sa United Nations, at kumitil ng halos 10,000 buhay.



At para makatulong sa paglikom ng pera, pinaupo ng fashion photographer na si John-Paul Pietrus si Naomi Campbell para sa isang special portrait na ibebenta sa halagang £20 bawat isa (P1,310), na ang kikitain ay mapupunta sa British Red Cross.

“I came up with the idea after spending the weekend watching the news, I thought I’ve got to do something about this but want to do something more than a personal donation,” sabi ni Pietrus sa Telegraph ng UK, “so I reached out to Naomi and asked her ‘can I use this image?’ because I think it’s really beautiful and obviously the name Naomi Campbell is going to grab people’s attention.”

“I am half-Filipino, and still have a lot of family in the Philippines,” sabi ni Pietrus sa Vogue ng UK. “Fortunately most of my family has been spared any misfortune, however, my aunt’s hometown was completely destroyed and flattened to the ground, and she has lost a lot of things dear to her, including friends.”

Kaya sa presyo ng isang hapunan ay maaari ka nang makakuha ng limited edition piece of art, at makatutulong sa mga biktima ng bagyo. Ipagbibili ang mga print hanggang Nobyembre 14.

Masisilip ang prints sa websitye ni Pietrus – http://www.johnpaulpietrus.com/ – AFP/Telegraph

.. Continue: Balita.net.ph (source)

Naomi Campbell portrait, lilikom ng pondo para sa mga biktima ng ‘Yolanda’