Nagbabala ang Philippine Drug Enforcement Agency (PDEA) sa publiko laban sa paggamit ng isang substance na napabilang sa listahan ng ahensiya ng mapanganib na droga.
Sinabi ni PDEA Director General, Undersecretary Arturo Cacdac Jr., na ang drogang Methylephedrine ay itinuturing nang mapanganib, kabilang ang lahat ng compound, mixture at paghahanda sa nasabing substance, kabilang ang salts, isomers at salts ng isomers.
“Methylephedrine and its derivatives shall be subjected to all regulatory and control measures provided for in RA 9165, or the Comprehensive Dangerous Drugs Act of 2002, and rules and regulations promulgated by the DDB (Dangerous Drugs Board),” ani Cacdac.
Ayon kay Cacdac, ang pagkakabilang ng nasabing substance sa listahan ng mga mapanganib na droga ay inaprubahan at pinagtibay ng Board noong Setyembre 12, alinsunod sa DDB Regulation Number 2, Series of 2013.
Dahil dito, kasama na ang Methylephedrine sa mahigpit na monitoring ng PDEA at pulisya.
Aniya, ipinagbabawal na stimulant ang Methylephedrine dahil maaari itong magbunsod ng alta-presyon, cardio-vascular stress at priapism at maaaring maabuso.
Nakasamsam ang awtoridad ng Methylephedrine sa isang minishabu laboratory sa Barangay Potrero, Malabon City noong Mayo 28, 2012. – Jeffrey G. Damicog
.. Continue: Balita.net.ph (source)
No comments:
Post a Comment