Nalalapit na ang pag-akyat sa lona ng parisukat sa bantog na Smart Araneta Coliseum sina WBO minimumweight champion Merlito “Tiger” Sabillo at WBO light flyweight titlist Donnie “Ahas” Nietes na kapwa itataya ang kanilang mga korona laban sa dalawang Latin American boxer sa Nobyembre 30.
Sa double-world championship fight card na pangangasiwaan ng ALA Promotions at ipalalabas sa ABS-CBN, makakasagupa ni Nietes ang walang talong si WBO Interim minimumweight champion Carlos Buitrago ng Nicaragua samantalang tatangkain naman ni Mexican Sammy “Guty” Gutierrez na mahablot ang titulo ni Nietes.
Sa ulat ng Philboxing.com, kapwa nasa magandang kondisyon ang dalawang Pinoy world champions, ayon kay dating world title challenger at trainer Edito “Ala” Villamor.
“They are training hard, in good condition and ready to defend their crowns,” pahayag ni Villamor. – Gilbert Espeña
.. Continue: Balita.net.ph (source)
No comments:
Post a Comment