SASAMPAHAN na ng kasong kriminal at administratibo si dating MRT General Manager Al Vitangcol.
Ito’y matapos aprubahan ni Ombudsman Conchita Carpio-Morales ang rekomendasyon ng field investigation office na magsagawa ng preliminary investigation at administrative adjudication laban kay Vitangcol dahil sa maanomalyang P3.76 billion MRT expansion project.
Si Vitangcol ay nahaharap sa kasong graft at sa paglabag sa Republic Act No. 6713 o Code of Conduct and Ethical Standards for Public Officials and Employees, bukod pa sa administrative charges dahil sa dishonesty, grave misconduct and conduct prejudicial to the best interest of the service.
Matatandaang idiniin ni Czech Ambassador Josef Rychtar si Vitangcol sa tangkang pangingikil ng $30 milyon mula sa isang Czech Company kapalit ng kontrata sa mga bagong bagon.
The post Vitangcol kakasuhan na ng Ombudsman appeared first on Remate.
.. Continue: Remate.ph (source)
No comments:
Post a Comment