ANG current girlfriend pala ni Edu Manzano ay isang nagngangalang Tony Fernandez, anak ng fashion designer na si Criselda Lontok-Fernandez (na, actually, ay hindi na ginagamit ang Fernandez, dahil hiwalay na pala siya sa mister n’ya). Sa sosyal na Rustan’s ibinebenta ang mga damit na idinidisenyo ni Ms. Lontok.
Marami palang restaurants ngayon si Doods, ayon sa isang kaibigan namin na nakatsikahan nito sa birthday party ng ex-televangelist, ex-banker na si Ramon Orosa na isa nang wellness guru ngayon.
Yung isa nga pala sa mga restoran ni Doods ay may “Lucky” sa pangalan. Nasa Global City Fort Bonifacio ito.
* * * *
NAPAKASIPAG naman ni Carlos Agassi na magdispley ng katawan n’ya sa Facebook (kung saan Friend namin siya). Halos tuwing magpo-post siya ng picture n’ya, nakahubad siya ng pantaas. Of course, napakaganda naman ng katawan n’ya, dahil ‘pag wala siyang nakukuhang personal appearance booking, nasa gym naman siya at nagbubuhat ng kung anu-anong bakal.
Pati mga pag-a-outing nila ng mga kapatid n’yang lalaki, na medyo magaganda rin naman ang mga katawan, ipino-post n’ya. ‘Pag wala siyang mai-post na bagong picture n’ya na nakabuyangyang ang katawan n’ya, pati ang mga litrato n’ya nung mas bata pa siya ay ipino-post na rin n’ya in the name of throwback Thursday.
Pati nga ‘yung lumang picture nila ni Piolo Pascual na para silang lovers na nagwo-work out sa gym ay ilang beses na rin n’yang nai-post.
Marami sigurong Santacruzan na nasamahan si Carlos, and as far as we know, hindi naman libre ang pag-e-escort sa mga Santacruzan. Ewan lang kung kasali sa mga Santacruzan na ineskortan n’ya ay ‘yung mga bading ang mga sagala.
Oo nga pala, may mga lugar na maski na tapos na ang Mayo, basta’t ‘di pa nagtatag-ulan, eh, nagsa-Santacruzan pa, humahabol pa. Malay n’yo, baka makita n’yo pa rin du’n ang guwapung-guwapo pa rin namang si Carlos.
Alam n’yo bang dahil nga ang ganda-ganda pa rin nga ng katawan n’ya may kumuha pa rin sa kanyang endorser ng underwear? Nakapagtataka lang nga na Guitar ang brand ng mga underwear na iminumodelo n’ya. Of course, again, kaya namin nalaman ang pagiging endorser n’ya ng Guitar underwear ay dahil nag-post din siya sa FB account n’ya ng mga picture n’ya bilang endorser ng mga nasabing produkto.
May isa pa nga pala kaming napag-alaman tungkol kay Carlos dahil sa mga FB posting n’ya: may restoran pala ang pamilya n’ya na ang pangalan ay Brazas. Sosyal na restoran ito. Nasa Jupiter St. sa Makati.
Parang wala pa siyang misis. Wala siyang ipino-post na picture na may kasama siyang misis n’ya, eh.
Friend din nga pala namin sa FB si Papa P. Pero parang bihira siyang mag-post. At kung mag-post man siya ng picture n’ya, fully clothed siya. Paminsan-minsan, nakasando siya. Madalas, naka-t-shirt siya nang masikip pero ‘di n’ya talaga hilig na ibuyangyang ang katawan n’ya. Kanino lang kaya n’ya hilig na ipakita ang hubad na kaseksihan n’ya?
Ang wala pa ring takot na mag-post ng sexy pictures n’ya sa FB ay si Keanna Reeves na parang may ini-endorse na sexy outfits na hindi (pa) sikat ang brand.
Ewan kung anu-ano ang pinagkakaabalahan n’yang hanapbuhay ngayon. Wala naman siyang ipino-post na showbiz projects n’ya. Pero parang maayos naman ang pamumuhay n’ya. Parang hindi naman siya bumalik sa pagpa-practice ng oldest profession.
* * * *
PA-SEXY na pala uli si Natasha Ledesma. Paminsan-minsan ay nagpo-post siya ng sexy pictures n’ya. May indie films siyang ginagawa pero hindi siya ang bida sa mga iyon.
Friend din namin sa FB si Vivian Velez. Wala na yata siyang teleserye. Wala na siyang pina-plug tungkol du’n, eh. Ang huli naming nakitang posting n’ya ay parang nasa cockpit sixa ng isang bagong eroplano na binili n’ya.
Hindi naman n’ya sinabing licensed pilot siya at siya ang magpapalipad nu’n. Parang may negosyo siya at ang current husband n’ya na may kinalaman din sa aeronautics.
Ayon sa napakayaman niyang hair stylist-make-up artist/salon magnate na si Jessie Mendez, isa si Vivian sa mga pinakamautak na bold actress noon na nakilala n’ya.
Hindi lang naman daw ang kaseksihan n’ya ang puhunan n’ya sa pagyaman nang husto.
The post Parang lovers na nagwo-work out sa gym! appeared first on Remate.
.. Continue: Remate.ph (source)
No comments:
Post a Comment