Gomez, Frayna, nagkampeon sa BGMCC

Hindi napigilan sina Grandmaster John Paul Gomez at Woman International Master elect Janelle Mae Frayna upang hablutin ang korona sa kanilang dibisyon sa pagtatapos ng 2013 Battle of the Grandmasters Chess Championships sa Philippine Sports Commission Conference Room, Administration Bldg., Vito Cruz, Manila.



Natapos sa draw ang huling round ng 27-anyos na mula Binan, Laguna na si Gomez kontra kay Fide Master Roderick Nava sa 31 moves ng Slav defense na naging sapat para sa kabuuang 30.0 puntos at unang titulo nito sa men’s division sa ikalimang edisyon ng chessfest.

Gayunman, sinandigan ni Gomez ang superior quotient kontra kay GM Oliver Barbosa na nakaipon ng 30.0 points matapos talunin si Fide Master Jony Habla sa 41 moves ng Bogo-Indian defense. Dahil ditto, pinaghatian nina Gomez at Barbosa ang kabuuang premyo na P240,000 para sa top 2 finishers.

Pumangalto si GM Darwin Laylo ng 26.5 puntos matapos manaig kay International Master Joel Pimentel sa 31 moves ng Ruy Lopez Opening tungo sa P75,000. Tumabla naman si 12-time national open champion GM Rogelio “Joey” Antonio Jr. kay IM Richilieu Salcedo III sa 45 moves ng Caro-Kann defense tungo sa overall fourth na may 25.5 puntos. Ibinulsa nito ang premyong P50,000.

Nag-draw din sina US based GM Rogelio “Banjo” Barcenilla sa nakaraang taong kampeon na si GM Mark Paragua sa 31 moves ng Scotch defense tungo sa solo fifth na may 22.5 puntos at P40,000 premyo.

Nasa 6th place naman si Paragua, 7th place si Pimentel, 8th place si GM Richard Bitoon, 9th place si IM Emmanuel Senador, 10th place si GM Eugene Torre, 11th place si Nava, 12th place si Salcedo, 13th place si NM Narquinden Reyes at 14th place si Habla.

Binigo din ni Janelle Mae Frayna si Ynna Sophia Canape sa 30 moves ng English Opening upang tuluyang kubrahin ang korona sa women’s side at ang top prize na P50,000.

Nakaipon si Frayna ng 34.5 puntos,

7.5 puntos na abante sa 2nd at 3rd

placers na sina Jean Karen Enriquez at

defending champion WIM Catherine

Perena na may tig-27.0 puntos.

Umungos si Enriquez mula sa 50

moves kay WNM Jedara Docena at tabla

din si Perena kay Shania Mae Mendoza

sa 30 moves ng Owens defense. Nagdraw

din si WIM Beverly Mendoza kay

dating national open champion WFM

Rulp Ylem Jose tungo sa fourth na may

25.5 puntos.

Angie Oredo

.. Continue: Balita.net.ph (source)

Gomez, Frayna, nagkampeon sa BGMCC