Kahit matamo ang WBO welterweight title sa Amerikanong si Timothy Bradley, ipinahiwatig ni Mexican Juan Manuel Marquez na hindi na niya ito idedepensa kay dating pound-for-pound king Manny Pacquiao.
Sa panayam ni boxing writer Salvador Rodriguez ng BoxingScene.com, iginiit ni Marquez na sa edad na 40 ay maaari na siyang magretiro lalo kung makukuha ang ikalimang kampeonato sa iba’t ibang dibisyon.
May kartada si Marquez na 55-6-1 (win-loss-draw) na may 40 panalo sa knockouts na pinakamatamis ang pagpapatulog sa 6th round kay Pacquiao noong Disyembre 8, 2012 sa Las Vegas, Nevada.
Hahamunin ni Marquez si Bradley na may perpektong rekord na 30 panalo, 12 sa pamamagitan ng knockouts, at nangakong patutulugin ang Amerikano sa Oktubre 12 sa Thomas & Mack Center sa Las Vegas.
“[Retirement] is a possibility. I won’t rule anything out right now. First things first, we have to see how I feel physically, which is a very important factor and then see what happens,” paliwanag ni Marquez.
“Bradley can say whatever he wants, but [saying he will retire me] and doing it are two different things. Anything can happen in the ring. We will allow him to keep talking, but I will let my fists do the talking,” pahayag ni Marquez.
Una rito, inihayag ni WBO president Paco Valcacel na idedepensa ng magwawagi kina Bradley at Marquez ang WBO 147 pounds title sa mananalo kina Pacquiao at Mexican American na si Brandon Rios kaya posible pa rin na magharap sa ikalimang pagkakataon ang Mexican at Pinoy boxers. – Gilbert Espeña
.. Continue: Balita.net.ph (source)
No comments:
Post a Comment